សហរដ្ឋអាមេរិកគ្រោងកាត់ជំនួយពីកម្ពុជាជាង៧០% នៅឆ្នាំ២០១៨

រដ្ឋាភិបាលរបស់សហរដ្ឋអាមេរិក គ្រោងនឹងកាត់ជំនួយចេញពីប្រទេសកម្ពុជាប្រមាណជាង៧០ភាគរយ សម្រាប់ឆ្នាំ២០១៨ ខាងមុ ខនេះ ។ នេះបើយោងតាមការថ្លែងប្រាប់អោយដឹងពីលោក អ៊ុច បូររិទ្ធ រដ្ឋមន្ត្រីស្ដីទីនៃក្រសួងការបរទេស និងសហប្រតិបត្តិការ អន្តរជាតិដែលបានថ្លែងទៅកាន់មន្ត្រីជាន់ខ្ពស់រាជរដ្ឋាភិបាល និងក្រុមអ្នកច្បាប់ប្រមាណជាង ៦០ នាក់នៅក្នុងសន្និសីទស្ដីពី«សមិទ្ធផល ២៤ ឆ្នាំនៃការអនុវត្តរដ្ឋធម្មនុញ្ញនៃព្រះរាជាណាចក្រកម្ពុជា» នៅក្នុងវិមានរដ្ឋចំការមនកាលពីថ្ងៃទី២៧ កញ្ញា ។ ថ្លែងនៅក្នុងពិធីដដែលនេះ រដ្ឋមន្ត្រីស្ដីទីនៃក្រសួងការបរទេស និងសហប្រតិបត្តិការអន្តរជាតិរូបនេះបញ្ជាក់អោយដឹងថា សហរដ្ឋអាមេរិកមានគម្រោងកាត់ជំនួយអភិវឌ្ឍដល់ប្រទេសចំនួនប្រមាណ៧៧ប្រទេសនៅលើសកលលោក ។ ក្នុងចំណោមបណ្ដាប្រទេស ទាំងនោះក៏មានកម្ពុជាដែរ ។ ប៉ុន្តែថ្វីបើបែបនេះក្ដីមន្រ្តីរដ្ឋាភិបាលនៅតែអះអាងថា កម្ពុជាមិនភ័យព្រួយឡើយ ។ ការប្រកាសអោយដឹងរបស់រដ្ឋមន្រ្តីស្ដីទីនៃក្រសួងការបទេសនេះ ក្រោយពេលដែលលោកបានជួបប្រជុំជាមួយនឹងក្រសួងកាបរទេ សនៃរដ្ឋបាលរបស់លោក ដូណាល់ ត្រាំ និងស្របពេលដែលទំនាក់ទំនងរបស់កម្ពុជា និងសហរដ្ឋអាមេរិកកំពុងមានភាពមិនល្អប្រ សើរ បន្ទាប់ពីកម្ពុជាបានចោទសហរដ្ឋអាមេរិកថា ជាអ្នកនៅពីក្រោយខ្នងនៃការចង់ធ្វើបដិវត្តន៍ពណ៌ផ្ដួលរំលំរដ្ឋាភិបាលស្របច្បាប់ របស់កម្ពុជា ។ ទោះជាយ៉ាងណាក៏ដោយចុះ រដ្ឋមន្រ្តីស្ដីទីនៃក្រសួងការបរទេសកម្ពុជា លោក អ៊ុច បូររិទ្ធ បានថ្លែងអះអាងថា បើទោះបីអាមេរិកសម្រេចផ្តាច់ជំនួយទាំងស្រុង ក៏រដ្ឋាភិបាលអាចឈរខ្លួនឯងបានដែរ ប៉ុន្តែថា អ្វីដែលកម្ពុជាកំពុងមានការព្រួយរបារម្ភនាពេលនេះនោះគឺខ្លាចអាមេរិកបិទទីផ្សារលក់ផលិតផលកាត់ដេរ ៕