លោក សម រង្ស៊ី ប្រាប់លោក ហ៊ុន សែន ថា កុំមើលស្រាលអាមេរិកខ្លាំងពេក ប្រយ័ត្នគ្រោះថ្នាក់

អតីតប្រធានគណបក្សសង្រ្គោះជាតិ លោក​ សម រង្ស៊ី​ បានថ្លែងប្រាប់ទៅលោកនាយករដ្ឋមន្រ្តី ហ៊ុន សែន ថា កុំអោយមើលស្រាលសហគមន៍អន្តរជាតិខ្លាំងពេក ជាពិសេសគឺំចំពោះសហរដ្ឋអាមេរិកនេះតែម្ដង ។ លោក សម រង្ស៊ី បានថ្លែងប្រាប់លោកនាយករដ្ឋមន្រ្តី ហ៊ុន សែន អោយដឹងថា សហគមន៍អន្តរជាតិដែលកំពុងថ្កោលទោសរដ្ឋាភិបាលនៃគណបក្សប្រជាជន ហើយកំពុងខ្វាយខ្វល់ជាមួយនឹងករណីរំលាយគណបក្សសង្រ្គោះជាតិដែលធ្វើឡើងដោយរដ្ឋាភិបាល និងតុលាការនាពេលនេះ គឺព្រោះតែអ្នកទាំងនោះ គឺជាម្ចាស់ជំនួយរបស់កម្ពុជា ។ អត្ថបទព័ត៌មានមួយនេះ យើងខ្ញុំបានចម្លងចេញទាំងស្រុងពីវេបសាយរបស់វិទ្យុសម្លេងព្រះសង្ឃឯករាជ្យ ដែលផ្សាយចេញនៅរសៀលថ្ងៃអាទិត្យនេះ ។ លោក សម រង្ស៊ី ថ្លែងបែបនេះ ៖ « សហរដ្ឋអាមេរិកនិយាយសម្លេងតែមួយ ចាត់វិធានការណ៍ដូចគ្នា គេនឹងបញ្ឈប់រាល់ជំនួយ ការអនុគ្រោះពាណិជកម្ម ការលើកលែងបំណុលអី ចរចារអីបែបនេះ គឺអត់ទាល់តែសោះ ។ ផ្ទុយទៅវិញ លោក ហ៊ុន សែន នឹងទទួលទណ្ឌកម្ម​ ហើយគាត់នឹងដឹងខ្លួនថា កុំមើលស្រាលសហរដ្ឋអាមេរិក » ។ ការថ្លែងលើកឡើងរបស់លោក សម រង្ស៊ី យ៉ាងដូច្នេះ ធ្វើឡើងតាមរយៈបទសម្ភាសន៍ជាមួយនឹងវិទ្យុសម្លេងសហរដ្ឋអាមេរិកកាលពីយប់ថ្ងៃទី១៨ ខែវិច្ឆិកា ពោលគឺបន្ទាប់ពីសហរដ្ឋអាមេរិកបានប្រកាសបញ្ជាក់ពីជំហរក្នុងការផ្ដាច់ជំនួយលើការរៀបចំការបោះឆ្នោតនៅកម្ពុជា និងការប្រកាសមិនទទួលស្គាល់ការបោះឆ្នោតនៅពេលខាងមុខ ប្រសិនបើគ្មានវត្តមានរបស់គណបក្សសង្រ្គោះជាតិចូលរួមទេនោះ ។ អត្ថបទព័ត៌មានមួយនេះ យើងខ្ញុំបានចម្លងចេញទាំងស្រុងពីវេបសាយរបស់វិទ្យុសម្លេងព្រះសង្ឃឯករាជ្យ។​ យ៉ាងណា កាលពីព្រឹកមិញនេះ លោកនាយករដ្ឋមន្រ្តី ហ៊ុន សែន បានអោយដឹងថា លោកមិនខ្វល់ជាមួយនឹងការប្រកាសបិទជំនួយរបស់ស​ហរដ្ឋអាមេរិកនោះទេ លើសពីនេះទៀតលោកថែមទាំងជម្រុញអោយរ​ដ្ឋា​ភិបាលរបស់អាមេរិកផ្ដាច់ជំនួយទាំងស្រុងចេញពីកម្ពុជាទៀតផង ។ លោកបានលើកឡើងដោយប្រកាសស្វាគមន៍ និងលើកទឹកចិត្តឲ្យអាមេរិកកាត់ជំនួយទាំងអស់ពីកម្ពុជា រួមទាំងជំនួយសម្រាប់ គណៈកម្មាធិការជាតិរៀបចំការបោះឆ្នោតផងដែរ។ លោកនាយករដ្ឋមន្រ្តី ហ៊ុន សែន ថែមទាំង បានថ្លែងថា ប្រសិនបើអាមេរិកកាត់ជំនួយ សម្រាប់គណៈកម្មាធិការជាតិរៀបចំកាបោះឆ្នោត មានន័យថា អាមេរិកមិនត្រឹមតែផ្តួលលោកមិនបាននោះទេ ថែមទាំងសម្លាប់ប្រជាធិបតេយ្យថែមទៀតផង ៕