ចេញហើយ !! គណបក្សចំនួន៦ដែលត្រូវទទួលយកអាសនៈគណបក្សសង្រ្គោះជាតិ

គណបក្សនយោបាយចំនួន៦ ដែលអាចនឹងត្រូវទទួលបានអាសនៈពីគណបក្សសង្រ្គោះជាតិ ក្រោយពេលដែលត្រូវបានតុលាការសាលាកំពូលប្រកាសសាលដីការរំលាយជាស្ថាពរកាលពីថ្ងៃទី១៧ វិច្ឆិកា ម្សិលមិញនេះ ។ នេះបើយោងតាមលិខិតរបស់ គជប ដែលបានជូនដំណឹងទៅគណបក្សនយោបាយដែលត្រូវបានផ្សព្វផ្សាយនៅថ្ងៃសៅរិ៍នេះ ។ នៅក្នុងលិខិតរបស់ គជប បានបញ្ជាក់ថា គណបក្សនយោបាយចំនួន៦ដែលត្រូវទទួលបានអាសនៈពី គណបក្សសង្រ្គោះជាតិនោះ មានគណបក្សហ្វ៊ុនស៊ិនប៉ិច គណបក្សសម្ព័ន្ធដើម្បីប្រជាធិបតេយ្យ គណបក្សខ្មែរអភិវឌ្ឍសេដ្ឋកិច្ច គណបក្សខ្មែរឈប់ក្រ គណបក្សសញ្ជាតិកម្ពុជា និងគណបក្សសាធារណៈរដ្ឋប្រជាធិបតេយ្យ ។ លិខិតជូនដំណឹងរបស់ គជប បានអះអាងថា គជប បានបញ្ជូនលិខិតនេះទៅកាន់ គណបក្សនយោបាយចំនួន៥ហើយ ប៉ុន្តែនៅឡើយមានតែគណបក្សនយោបាយមួយទៀតប៉ុណ្ណោះ គឺ គណបក្សសាធារណរដ្ឋប្រជាធិបតេយ្យ ដែលមិនទាន់ទទួលបានលិខិតជូនដំណឹងនេះ ដោយសារតែទំនាក់ទំនងមិនបាន ហើយទីស្នាក់ការក៏បិទ មិនមានអ្នកប្រចាំការ ៕