រដ្ឋាភិបាលប្រទេសអូស្រ្តាលីចេញលិខិតសុំចិត្តរដ្ឋាភិបាលលោកនាយករដ្ឋមន្រ្តី ហ៊ុន សែន អនុញ្ញាតអោយពលរដ្ឋកម្ពុជាបានអនុវត្តសិទ្ធិប្រជាធិបតេយ្យ

សេចក្ដីថ្លែងការណ៍ចុងក្រោយបង្អស់របស់រដ្ឋាភិបាលនៃប្រទេសអូស្រ្តាលី បានប្រកាសអំពាវនាវ ដល់រដ្ឋាភិបាលកម្ពុជាថា អោយធ្វើការងារដោយឈរលើមូលដ្ឋានប្រជាធិបតេយ្យ ។ តាមរយៈ សេចក្ដីថ្លែងការណ៍ដែលធ្វើឡើងនាថ្ងៃទី១៧ វិច្ឆិកា នេះ ប្រទេសអូស្រ្តាលីបានតាំងនាមជាមិត្តភក្ដិ របស់កម្ពុជា ហើយបានសុំចិត្តរដ្ឋាភិបាលថា មេត្តាអនុញ្ញាតអោយពលរដ្ឋនៃប្រទេសមួយនេះ បាន ធ្វើការអនុវត្តសិទ្ធិប្រជាធិបតេយ្យផងចុះ ។ សេចក្ដីថ្លែងការណ៍អំពាវនាវនេះ ធ្វើឡើង ក្រោយពេលតុលាការសាលាកំពូលរបស់កម្ពុជា បានប្រកា សរំលាយគណបក្សសង្រ្គោះជាតិ ដែលជាគណបក្សប្រឆាំងដ៏ធំនៅកម្ពុជាកាលពីល្ងាចម្សិលមិញនេះ និងបានប្រកាសសាលដីការជាស្ថាពរកាលពីល្ងាចមិញចំពោះការរំលាយគណបក្សសង្រ្គោះជាតិដោ យតាំងនាមជាពលរដ្ឋខ្មែរ ។ ទោះជាយ៉ាងណា សេចក្ដីថ្លែងការណ៍របស់ប្រទេសអូស្រ្តាលីដដែលនេះ ក៏បានបង្ហាញពីក្ដីបារម្ភយ៉ាង ខ្លាំងចំពោះបញ្ហាទាំងឡាយនេះ ជាពិសេសគឺចំពោះស្ថានការណ៍នយោបាយនេះតែម្ដង ។ រដ្ឋាភិបា លនៃប្រទេសអូស្រ្តាលីបានបង្ហាញក្ដីសង្ឃឹមរបស់ពួកគេថា កម្ពុជានឹងផ្ដល់ឱកាសដល់ពលរដ្ឋខ្លួន បានចូលរួមអនុវត្តន៍លទ្ធិប្រជាធិបតេយ្យ ៕