ប​ក្ស​ប្រ​ជា​ធិប​តេ​យ្យ​មូល​ដ្ឋា​នថា​ ​យុ​វជ​ន​ដែ​ល​ប្រ​ឡង​ធ្លា​ក់បា​ក់​ឌុ​ប​គួរ​ទទួ​លបា​ន​ឱ​កា​ស​នៃកា​រ​ប​ណ្តុះ​ប​ណ្តា​លវិ​​ជ្ជា​ជី​វៈ​​​​​

គណបក្សប្រជាធិនតេយ្យមូលដ្ឋានយល់ឃើញថា រដ្ឋាភិបាលគួរណាតែមានការរៀបចំគោលនយោបាយយុវជនថ្មីមួយចំនួនទាក់ទងជាមួយនឹងបេក្ខជនដែលចូលរួមក្នុការប្រឡង មធ្យមសិក្សាទុតិយភូមិបាក់ឌុប ។ នៅក្នុងសេចក្ដីថ្លែងការណ៍របស់គណបក្សប្រជាធិបតេយ្យមូលដ្ឋាន ចេញផ្សាយនារសៀលថ្ងៃទី១២កញ្ញា នេះ បានលើកឡើងថាកម្ពុជាត្រូវការកម្មវិធីនយោបាយជាតិមួយ ដែលផ្តល់ឱកាសដល់យុវជនគ្រប់រូបទទួលបានការបណ្តុះបណ្តាលវិជ្ជាជីវៈដើម្បីទទួលបានការងារល្អ។គណបក្សប្រជាធិបតេយ្យមូលដ្ឋាន សម្តែងក្តីសាទរអ្នកដែលប្រឡងជាប់មធ្យមសិ​ក្សា​​​ទុតភូមិ(បាក់ឌុប)ឆ្នាំនេះ ដែលជាសរុបមានយុវជនចំនួន ៦៣ ៦៦៨នាក់ ក្នុងចំណោម ៩៩ ៧២៨នាក់ បានប្រឡងជាប់។ បញ្ហាប្រឈមបន្ទាប់ទាំងសម្រាប់អ្នកជាប់ និងអ្នកធ្លាក់គឺការសិក្សាបន្ត និងការស្វែងរកការងារល្អ។

សេចក្ដីថ្លែងការណ៍នេះបញ្ជាក់ថា ដើម្បីយុវជនគ្រប់រូបមានឱកាសទទួលបានការអប់រំបន្តនិងទទួលបានការងារល្អគបមសូមធ្វើការស្នើនូវកម្មវិធីគោលនយោបាយសំខាន់ៗមួយចំនួន យុវជនដែលទទួលបាននិទ្ទេស A B និងC ទទួលបានអាហារូបករណ៍សម្រាប់សិក្សាបន្ត។ យុវជនដែលទទួលបាននិទ្ទេស D និងE ដែលមានការខ្វះខាតប្រាក់ដើ ម្បីបន្តការសិក្សាទទួលបានប្រាក់កម្ចីសម្រាប់ការសិក្សាបន្ត និងស្នើអោយយុវជនដែលប្រឡងធ្លាក់ត្រូវទទួលបានឱកាសនៃការបណ្តុះបណ្តាលវិជ្ជាជីវៈ។គណបក្សប្រជាធិបតេយ្យ មូលដ្ឋាន ជម្រុញឱ្យរាជរដ្ឋាភិបាលរៀបចំឱ្យមានសាលាបណ្តុះបណ្តាលវិជ្ជាជីវៈនៅគ្រប់ស្រុកដើម្បីផ្តល់ឱកាសដល់យុវជនដែលធ្លាក់ឬជាប់មធ្យមសិក្សាទុតិយភូមិបាក់ឌុបអាចរៀនវិជ្ជាជីវច្បា ស់លាស់មួយ តាមរយៈការសហការជាមួយវិស័យឯកជន និងស្ថាប័នរដ្ឋផ្សេង ដើម្បីផ្សារភ្ជាក់ជាមួយកម្មសិក្សា។សេចក្ដីថ្លែងការណ៍ដដែលនេះបានលើកឡើងថាការឧបត្ថម្ភជាអា ហារូបករណ៍ដល់យុវជនដែលរៀនពូកែ ត្រូវបានចាត់ចែងដោយមានការចូលរួមពីវិស័យឯកជន និងថវិកាជាតិ។ ពួកគេបញ្ជាក់ថារដ្ឋាភិបាលដែលដឹកនាំដោយ គបម នឹងអនុវត្តនូវគោលនយោបាយនេះឱ្យបានប្រសិទ្ធភាព ដើម្បីធានាឱ្យយុវជនខ្មែរគ្រប់រូបទទួលបានការអប់រំ និងការងារល្អ៕