សា​លា​ឧ​​ទ្ធ​រ​ណ៍​បើ​កស​វ​នា​កា​រ​លើ​ក​រណី​ ​លោ​ក​ គឹ​​ម​ ​សុ​ខ ​ចោ​ទ​ថា​ ប​ក្ស​ប្រ​ជា​ជន​ក​​ម្ពុ​ជា​ ​ជា​អ្ន​ក​​សម្លា​ប់​ប​ណ្ឌិ​ត ​កែ​ម​ ​ឡី​​​​​​

តុលាការសាលាឧទ្ធរណ៍បានបើកសវនាការរឿងក្តីលោក គឹម សុខ អ្នកឃ្លាំមើលបញ្ហាសង្គម និងនយោបាយ ពាក់ព័ន្ធនឹងការចោទថា គណបក្សប្រជាជនកម្ពុជា ជាអ្នសម្លាប់ បណ្ឌិតកែមឡី។ សវនាការនេះ ធ្វើឡើងនាព្រឹកថ្ងៃទី១៥ ខែកញ្ញា នេះ ដឹកនាំដោយលោក ប៉ាក ច័ន្ទសំបូរ ជាប្រធានក្រុមប្រឹក្សាជំនុំជម្រះនិងលោកសរយសថាវរៈជាតំណាងមហាអយ្យការ ។គួររំលឹកថាកាលពីថ្ងៃទី១៣ខែកុម្ភៈឆ្នាំ២០១៧ មេធាវីរបស់លោកនាយករដ្ឋមន្ដ្រី ហ៊ុន សែន គឺលោក គី តិច បានប្តឹងលោកគឹមសុខបន្ទាប់ពីលោកបានធ្វើអត្ថាធិប្បាយថាគណ បក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន ជាអ្នកនៅពីក្រោយករណីឃាតកម្មលោកកែមឡី។ហើយពាក់ព័ន្ធករណីនេះដែរលោកហ៊ុនសែនក៏បានប្ដឹងទារសំណងជំងឺចិត្តពីលោក គឹម សុខ ជាទឹកប្រាក់ចំនួន៥០ម៉ឺនដុល្លារ។ក្រៅពីបណ្ដឹងខាងលើនេះ លោក គឹម សុខ ក៏ត្រូវបានលោកនាយករដ្ឋមន្ដ្រី ហ៊ុនសែនប្តឹងមួយករណីទៀតដោយ ចោទរដ្ឋាភិបាលថា បានរៀបចំឲ្យមានប្រព័ន្ធមួយ ដើម្បីសម្លាប់មនុស្សនិងវែកមុខរកឃាតកមិនឃើញ។

សាលាដំបូងរាជធានីភ្នំពេញ បានបញ្ជាឲ្យឃុំខ្លួនលោក គឹម សុខ បណ្ដោះអាសន្ន កាលពីថ្ងៃទី១៧ខែកុម្ភៈឆ្នាំ២០១៧ដាក់ពន្ធនាគារព្រៃស ដោយចោទប្រកាន់ពីបទញុះញង់ឲ្យប្រព្រឹត្តបទឧក្រិដ្ឋអាទិ៍ និងបរិហាកេរ្តិ៍ជាសាធារណៈ ពាក់ព័ន្ធនឹងការវិភាគទាក់ទងករណីការបាញ់សម្លាប់លោក កែម ឡី ៕