លោក កឹម សុខា ៖ បើគណបក្សប្រឆាំងមិនមានបំណងផ្លាស់ប្ដូរគណបក្សកាន់អំណាចទេ គេមិនហៅថា ជាគណបក្សប្រឆាំងឡើយ

 

ប្រធានគណបក្សសង្រ្គោះជាតិ លោក កឹម សុខា ដែលកំពុងជាប់ឃុំខ្លួនបានចេញមុខបដិសេធរាល់ការចោទប្រកាន់របស់រដ្ឋាភិបាលលោក ហ៊ុន សែន  ទាក់ទងទៅនឹងអំពើក្បត់ជាតិ។ លោក កឹម សុខា យល់ថា អ្វីដែល រដ្ឋាភិបាល កំពុង ធ្វើ ដាក់ លោកក្នុងនាមជាគណបក្សប្រឆាំងនាពេលនេះ គឺកំពុងតែរំលោភច្បាប់រដ្ឋធម្មនុញ ដែលជាច្បាប់កំពូលរបស់កម្ពុជា ។លោកបន្តថា ទាំងការចាប់ខ្លួន និងការចោទប្រកាន់របស់រដ្ឋាភិបាលនាពេលនេះ គឺគ្រាន់តែជាហេតុផលនយោបាយ របស់រដ្ឋាភិបាលដើម្បីរកលេសចាប់ខ្លួនលោកដាក់ឃុំ នៅគ្រាដែលការបោះឆ្នោតជ្រើសតាំងតំណាងរាស្រ្តកំពុងខិតចូលមកដល់តែប៉ុណ្ណោះ ។

តាមរយៈលិខិតដែលលោក កឹម សុខា បានប្រកាសកាលពីយប់ថ្ងៃទី២ តុលា ម្សិលមិញនេះ ដើម្បីឆ្លើយតបទៅរដ្ឋាភិបាល និង ដើម្បីជាសេចក្ដីថ្លែងការណ៍ប្រាប់ ដល់មហាជនអ្នក គាំទ្រលោក នោះ  លោកបានអះអាងថា អ្វីៗ ដែលលោកបានធ្វើនាពេលនេះ គឺមិនបានខុសច្បាប់ទាល់តែសោះ គឺគ្រាន់តែ ធ្វើឡើងក្នុងនា មជា គណ បក្សប្រឆាំង និងស្រប ហើយ ត្រឹមត្រូវ ទៅតាម ច្បាប់ របស់កម្ពុជាយ៉ាងពិតប្រាកដ ។លោក កឹម សុខា  ប្រធានគណបក្សសង្រ្គោះជាតិ ត្រូវបាន  កម្លាំង សមត្ថកិច្ចចូលទៅចាប់ខ្លួន នៅ យប់រំលង អាធ្រាត្រឈានចូលថ្ងៃទី០៣ ខែកញ្ញា ឆ្នាំ២០១៧ នៅផ្ទះរបស់លោកស្ថិត ក្នុងសង្កាត់បឹងកក់២ ខណ្ ឌទួលគោក រាជធានីភ្នំពេញ ក្រោយ សារ ព័ត៌មាន បាន បង្ហោះពីវីដេអូមួយ ដោយចោទថា លោក កឹម សុខាបានឃុប ឃិតគ្នាជាមួយ ជនបរទេសដើម្បីផ្ដួល រំលំ រដ្ឋាភិ បាល កម្ពុជា ។
លោក កឹម សុខា ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួន ដាក់ពន្ធនា គារជាបណ្តោះអាសន្នក្រោមការចោទប្រកាន់ពីបទ សន្និដ្ឋិភាពជាមួយបរទេស ដែលជាបទល្មើសមួ យក្នុងអំពើក្បត់ជាតិ ក្នុងមាត្រា៤៤៣ នៃក្រមព្រហ្មទណ្ឌ កាលពីនៅថ្ងៃទី០៦ ខែកញ្ញា ឆ្នាំ២០១៧ ។ ទង្វើទាំងនេះ លោក កឹម សុខា បានប្រកាសថា ជាទង្វើដែលកំពុងរំលោភច្បាប់ ។ តាមរយៈសេចក្ដី ថ្លែងការណ៍របស់លោក កឹម សុខា កាលពីម្សិលមិញនេះ លោក កឹម សុខា បានបកស្រាយប្រាប់រដ្ឋាភិបាលវិញថា ប្រសិនណាបើគណបក្សប្រឆាំង មិនមានបំណងចង់ផ្លាស់ប្ដូររដ្ឋាភិបាល ឬក៏គណបក្សកាន់អំណាចទេនោះ គេមិនហៅថា ជាគណបក្សប្រឆាំងនោះទេ ថ្វីបើលោកកំពុងជាប់ឃុំនៅក្នុងពន្ធនាគារក៏ពិតមែន ប៉ុន្តែប្រធានគណបក្សប្រឆាំងរូបនេះបានអំពាវនាវដល់ស្មារតីរួបរួមជាតិបន្តរួមគ្នាទៅមុខទៀត ។ លោកក៏បានអះអាងថា លោកមិនបានតកស្លុតជាមួយនឹងអ្វីដែលលោកកំពុងតែជួបប្រទះនាពេលនេះឡើយ ។