លោក សម រង្ស៊ី ៖ លោក វណ្ណ មូលីវណ្ណ ជាអ្នកមានចក្ខុវិស័យវែងឆ្ងាយក្នុងការរៀបចំទីក្រុង ហើយជាអ្នកបម្រើប្រទេសជាតិ តែជាការសោកស្តាយណាស់ ដែលរដ្ឋាភិបាលសព្វថ្ងៃ មិនបានឲ្យតម្លៃទៅលោក វណ្ណ មូលីវណ្ណ

 

 អតីតប្រធានគណបក្សសង្រ្គោះជាតិ លោក សម រង្ស៊ី ដែលកំពុងនិរទេសខ្លួនរស់នៅឯក្រៅប្រទេសបានចេញមុខរិះគន់លើរដ្ឋាភិបាលកម្ពុជា ក្រោមការដឹកនាំដោយគណបក្សប្រជាជនដែលមិនដែល បានអោយតម្លៃទៅលើលោក វណ្ណ មូលីវណ្ណ ស្ថាបត្យករខ្មែរដ៏ល្បីល្បាញ ។ លោក ស រង្ស៊ី បានថ្លែងលើកឡើងថា លោក វណ្ណ មូលីវណ្ណ ជាអ្នកមានចក្ខុវិស័យវែងឆ្ងាយក្នុងការរៀបចំទីក្រុង ហើយជាអ្នកបម្រើប្រទេសជាតិ ប្រកបដោយស្នាដៃ ក្នុងទសវត្សរ៍ឆ្នាំ ១៩៦០ ដែលពេលនោះលោកបានសាងសង់ សមិទ្ធិផលជាច្រើន ដែលឆ្លុះបញ្ចាំងទេពកោសល្យគ្មានពីរ របស់លោក។

ប៉ុន្តែលោកបានបង្ហាញក្ដីសោកស្ដាយយ៉ាងខ្លាំង ដែលរដ្ឋាភិបាលសព្វថ្ងៃ មិនបានឲ្យតម្លៃទៅលោក វណ្ណ មូលីវណ្ណ ។ បើតាមលោក សម រង្ស៊ី បានអះអាងអោយដឹងកាលពីថ្ងៃទី២ តុលា ម្សិលមិញនេះ នៅលើហ្វេសប៊ុក របស់លោកនោះបានអោយដឹងថា លោក វណ្ណ មូលីវណ្ណ បានផ្ដល់យោបល់ និងគំនិតល្អៗជាច្រើន ដល់រដ្ឋាភិបាលដើម្បីជាការរៀបចំទីក្រុង និង ប្រទេសជាតិ អោយបានស្អា ត ល្ អ  ។  ប៉ុន្តែរដ្ឋាភិបាលមួយ នេះមិន បានយក ចិត្ត ទុក ដាក់នៅរាល់ពាក្យសម្ដី និងគំនិត ក៏ ដូច ជាយោបល់      ទាំងនោះឡើយ ។ ផ្ទុយ ទៅវិញ រដ្ឋាភិបាលនេះបានបានច្រានចោលគំនិត និងយោបល់ល្អៗរបស់លោកទាំងអស់ ។ការច្រានចោលរបស់រដ្ឋាភិបាលនេះ លោក សម រង្ស៊ី អះអាងថា ដោយសារតែរដ្ឋាភិបាលនេះ អសមត្ថភាព មិនឲ្យតម្លៃទៅអ្នកចេះដឹង មិន រវីរវល់ អំពីផលប្រយោជន៍ជាតិ ហើយគិតតែប្រព្រឹត្តអំពើពុករលួយ។ លោកបន្តថា ដោយសារ តែមូល ហេតុ ទាំងអស់នេះហើយ បានជាស្ថាបត្យកម្ម ដែលយើងឃើញជុំវិញយើងសព្វថ្ងៃ គ្មានសោ ភ័ណភាព និងគ្មានព្រលឹង ហើយការរៀបចំទីក្រុង មានភាពរញ៉េរញ៉ៃ និងអាណាធិបតេយ្យជាទីបំផុត ព្រោះតែអ្នកដឹកនាំប្រទេសសព្វថ្ងៃ គិតតែប្រមូលលុយ សម្រាប់ខ្លួន គ្រួសារខ្លួន និងបក្ខពួកខ្លួន។ស្ថាបត្យករជើងចាស់ដ៏ល្បីល្បាញរបស់ កម្ពុជា លោក វណ្ណ មូលីវណ្ណ បានទទួលមរណភាព កាលពីព្រឹកថ្ងៃព្រហស្សត្តិ៍ ទី២៨ ខែកញ្ញា ។ លោក វណ្ណ មូលីវណ្ណ បានទទួលមរណៈភាព នៅក្នុងជន្មាយុ៩១ឆ្នាំ នៅផ្ទះរបស់លោកដោយផ្ទាល់ តាមបណ្ដោយដងស្ទឹងសៀមរាប ភូមិមណ្ឌល៣ សង្កាត់ស្លក្រាម ក្រុងសៀមរាប ដោយជំងឺ ៕