លោក សម រង្ស៊ី ចេញវីដេអូ ចោទលោក ម៉ៅ មុន្នីវណ្ណ ថា ជាជនក្បត់បក្សកំពុងធ្វើតាមបញ្ជាលោក ហ៊ុន សែន ដើម្បីបានឡើងជាប្រធានជំនួស លោក កឹម សុខា ខណៈលោក ម៉ៅ មុន្នីវណ្ណ …

លោក សម រង្ស៊ី ចេញវីដេអូ ចោទលោក ម៉ៅ មុន្នីវណ្ណ ថា ជាជនក្បត់បក្សកំពុងធ្វើតាមបញ្ជាលោក ហ៊ុន សែន ដើម្បីបានឡើងជាប្រធានជំនួស លោក កឹម សុខា ខណៈលោក ម៉ៅ មុន្នីវណ្ណ … អតីតប្រធានគណបក្សសង្រ្គោះជាតិ លោក សម រង្ស៊ី បានចោទប្រកាន់ទៅលើអ្នកតំណាងរាស្រ្តមណ្ឌលកំពង់ចាមម្នាក់របស់គណបក្សសង្រ្គោះជាតិដែលមកពីកូតាគណបក្សសិទ្ធិមនុស្ស គឺលោក ម៉ៅ មុន្នីវណ្ណ ថា ជាជនបង្កប់ក្នុងគណបក្សសង្រ្គោះជាតិ ។ ប៉ុន្តែលោក ម៉ៅ មុន្នីវណ្ណ បដិសេធការ ចោទប្រកាន់នេះ ។ លោក សម រង្ស៊ី បានបញ្ជាក់អោយដឹងថា លោក ម៉ៅ មុន្នីវណ្ណ កំពុងតែធ្វើរដ្ឋប្រហារគណបក្សសង្រ្គោះជាតិតាមបញ្ជាដោយផ្ទាល់ពីសំណាក់លោកនាយករដ្ឋមន្រ្តី ហ៊ុន សែន ដើម្បីបានឡើងកាន់តំណែងជាប្រធានគណបក្សជំនួសលោក កឹម សុខា ដែលកំពុងស្ថិតនៅក្នុងមន្ទីរឃុំឃាំង ក្រោមការចោតប្រកាន់ពីរដ្ឋាភិបាលថា បានប្រព្រឹត្តទង្វើក្បត់ជាតិ ។ លោក សម រង្ស៊ី បញ្ជាក់បែបនេះ ៖ « ហើយព័ត៌មានដែលខ្ញុំទទួលបាននោះ គឺឥឡូវមានអ្នកដែលគេចេញមុខធ្វើតាមការណែនាំ ការបញ្ជារបស់លោក ហ៊ុន សែន របស់គណបក្ស ប្រជាជនកម្ពុជា គឺលោក ម៉ៅ មុន្នីវណ្ណ លោក ម៉ៅ មុន្នីវណ្ណ គាត់ចេញមុខ គាត់ដើរទាក់ទងគេ អោយ ទោតាមគាត់ ពីព្រោះគាត់ប្រកាសថា តិចទៀតគេដូរថ្នាក់ដឹកនាំគណបក្សសង្រ្គោះជាតិហើយ គាត់ចង់ធ្វើថ្នាក់ដឹកនាំជំនួសលោក កឹម សុខា » ។ ការថ្លែងលើកឡើងរបស់លោក សម រង្ស៊ី អោយដឹងយ៉ាងដូច្នេះ ធ្វើឡើងតាមរយៈវីដេអូឃ្លីប ដែលមានរយៈពេលជិត១០នាទី បង្ហោះចូលទៅក្នុងបណ្ដាញសង្គមហ្វេសប៊ុករបស់លោក កាលពីយប់ថ្ងៃទី ៣០ ខែតុលា ខណៈដែលលោក និងតំណាងរាស្រ្តគណបក្សសង្រ្គោះជាតិជាច្រើនរូបកំពុងមានវត្តមានជាមួយគ្នានៅឯប្រទេសអ៊ីតតាលី ។ អត្ថបទព័ត៌មានមួយនេះ យើងខ្ញុបានចម្លងចេញទាំងស្រុងពីវេបសាយរបស់វិទ្យុសម្លេងព្រះសង្ឃឯករាជ្យ ដែលផ្សាយចេញនៅ រសៀលថ្ងៃទី៣១ ខែកក្កដា ឆ្នាំ ២០១៧ នេះ ។ ផ្ទុយពីការចោទប្រកាន់នេះ លោក ម៉ៅ មុន្នីវណ្ណ បានឆ្លើយបដិសេធ ។ លោកបានបញ្ជាក់ថា លោកមិនមែនជាជនបង្កប់ ឬក៏ជនក្បត់គណបក្សដូចការចោទប្រកាន់នោះទេ ។ លោក ម៉ៅ មុន្នីវណ្ណ ថា លោក សុខចិត្តពលីជីវិតក៏លោកមិនរត់ចោលសមរភូមិ ហើយក៏នឹងមិនលក់ឧត្ដមគតិជាដាច់ខាត ៖ « ខ្ញុំ ម៉ៅ មុនីវណ្ណ ទោះបីពលីជីវិត ក៏មិនរត់ចោលសមរភូមិ និងមិនលក់ឧត្តមគតិជាដាច់ខាត » ។ នៅលើហ្វេសប៊ុករបស់លោក ម៉ៅ មុន្នីវណ្ណ កាលពីម្សិលមិញនេះ លោកបានប្រាប់ទាំងប្រយោលថា ចំពោះអ្នកដែលលាបពណ៌ មួលបង្កាច់ និងអ្នកបន្ទរ ចុងក្រោយអ្នកនឹងមានវិប្បដិសារី ជាក់ជាមិនខាន ប្រសិនបើអ្នកទាំងនោះស្ថិតនៅក្នុងតម្លៃជាមនុស្សពិត ៕ អត្ថបទព័ត៌មានមួយនេះ យើងខ្ញុបានចម្លងចេញទាំងស្រុងពីវេបសាយរបស់វិទ្យុសម្លេងព្រះសង្ឃឯករាជ្យ ដែលផ្សាយចេញនៅ រសៀលថ្ងៃទី៣១ ខែកក្កដា ឆ្នាំ ២០១៧ នេះ ។