លោ​ក​ស្រី ​មួ​រ ​សុ​ខ​ហួ​រ ​ជឿជា​ក់​ថា ​គ​ណ​ប​ក្ស​ស​ង្រ្គោះ​ជា​តិនឹ​ង​មិន​​រួច​ខ្លួ​ន​ឡើយ​​​​

អនុប្រធានគណបក្សសង្រ្គោះជាតិ លោកស្រី មួរ សុខហួរ បានថ្លែងថា គណបក្សសង្រ្គោះជាតិ ប្រហែលជានឹងមិនរួចខ្លួន ពីដៃរបស់តុលាការបាននោះទេនៅពេលនេះ ។ លោកស្រីបានថ្លែងបញ្ជាក់ថា ការសំអាងទាំងនេះ ដោយហេតុថា កន្លងមកក៏ធ្លាប់បានដឹងរួចមកហើ យពីព្រិត្តិការណ៍ជា ច្រើនដែលកើតមានឡើងនៅកម្ពុជា ។ លោកស្រីអោយដឹងថា ប្រសិនបើបញ្ហាទាំ ងនេះគណបក្សកាន់អំណាច ឬក៏ដៃ ជើងរដ្ឋាភិបាលមិនទាន់បានដាក់ចូលទៅតុលាការ នោះប្រាកដ ជាមិនអីឡើយ ប៉ុន្តែនេះ គេបានដាក់ទៅដល់តុលាការ ហើយ គណបក្សសង្រ្គោះជាតិប្រាកដជានឹង មានបញ្ហាមិនខានឡើយ ។ លោកស្រី មួរ សុខហួរ ថ្លែងបែបនេះ ដូច្នេះខ្ញុំគិតឃើញថា កុំគិតថាដោះគណបក្សសង្រ្គោះជាតិចេញពីតុលាការ តែគេដាក់ចូលហើយ យើងអត់រួចខ្លួនទេ ។ ការថ្លែងលើកឡើងរបស់លោកស្រី មួរ សុខហួរ យ៉ាងដូច្នេះ ធ្វើឡើងនៅក្នុងបទសម្ភាសន៍ជាមួយនឹង វិទ្យុអាស៊ីសេរី កាលពីយប់ថ្ងៃទី៧ ខែតុលា កន្លងទៅថ្មីៗនេះ ខណៈលោកស្រីក៏បានចាកចេញពីកម្ពុជាឆ្ពោះទៅកាន់បរទេស ក្រោម ហេតុផលមួយចំនួន ។ ក្រសួងមហាផ្ទៃ កាលពីថ្ងៃសុក្រ បានប្រកាសពីការបញ្ជូនមេធាវីចំនួន៥រូប អោយដាក់ពាក្យប្ដឹងទៅកាន់តុលាការកំពូល ស្នើសុំរំលាយ គណបក្សសង្រ្គោះជាតិ តាមការស្នើសុំរបស់សម្ដេចក្រុមព្រះ ប្រធានគណបក្សហ្វ៊ុនស៊ិនប៉ិច និងលោក ពេជ្រ ស្រស់ ប្រធានគណបក្សយុវជនកម្ពុជា ដែលបានចោទប្រកាន់ថា ថ្នាក់ដឹកនាំនៃគណបក្សសង្រ្គោះជាតិបានប្រព្រឹត្ត អំពើក្បត់ជាតិ នៅក្នុងបទសម្ភាសន៍ជាមួយនឹងវិទ្យុអាស៊ីសេរី លោកស្រី មួរ សុខហួរ បានទាមទារអោយរដ្ឋាភិបាលបញ្ឈប់ទង្វើដែល ពួកគេកំពុងធ្វើនាពេលនេះ ដើម្បីបើកផ្លូវអោយប្រជាធិបតេយ្យនៅកម្ពុជាមានជីវិតរស់រានឡើងវិញ ។ លោកស្រីយល់ ថា ទង្វើរបស់រដ្ឋាភិបាលនាពេលនេះបានប៉ះពាល់យ៉ាងខ្លាំងដល់ដំណើរការប្រជាធិបតេយ្យ ជាហេតុធ្វើអោយសហគមន៍ អន្តរជាតិដែលជាម្ចាស់ជំនួយរបស់កម្ពុជាមិនពេញចិត្ត ៕