លោ​ក ​គឹ​ម​ ​សុខ​ ​ស​រ​សេរ​លិ​ខិ​តដោ​យ​ដៃ​ចេ​ញពី​ព​ន្ធ​នាគា​រ​ម​ក​ផ្ញើលោក​ ​ហ៊ុ​ន ​សែ​ន ​ហើ​យ​​ប្រា​ប់​ថាលោ​ក​ ​កឹ​ម​ សុ​ខា​ ​មិន​មែ​ន​ជា​ជន​​ក្ប​ត់ជា​តិ​ទេ

​ ​​លោក គឹម សុខ ដែលកំពុងជាប់ឃុំនៅក្នុងពន្ធនាគារព្រៃសរ បានសរសេរលិខិតមួយច្បាប់ចេញពីពន្ធនាគារដោយដៃផ្ទាល់ ផ្ញើមកលោកនាយករដ្ឋមន្រ្តី ហ៊ុន សែន រួចប្រាប់ថា លោក គឹម សុខា មិនមែនជាជនក្បត់ជាតិនោះទេ ។ លិខិតដែលធ្វើឡើងកាលពីថ្ងៃទី៦ ខែតុលា កន្លងទៅ លោក គឹម សុខ បានអំពាវនាវ ដល់តុលាកា និងរដ្ឋាភិបាលដោះ លែងលោក គឹម សុខា ប្រធានគណបក្សសង្រ្គោះជាតិអោយបាននៅក្រៅឃុំជាបន្ទាន់ ដើម្បីអនុញ្ញាតអោយចូលរួមការ បោះឆ្នោតខាងមុខដោយស្មើភាពគ្នា ។ តាមរយៈលិខិតដែលសរសេរដោយដៃនេះ លោក គឹម សុខ យល់ថា ការចោទប្រកាន់លោក កឹម សុខា ថា ជាជនក្បត់ ជាតិ ហើយចាប់គាត់ដាក់គុកទាំងយប់នេះ គឺជាការបង្ករឿងបែកបាក់ជាតិយ៉ាងអាក្រក់បំផុតក្នុងស្ថានភាពនៅកម្ពុជា បច្ចុប្បន្ននេះ ដោយសារតែតុលា មិនមែនជាតុលាការដែលឯករា ជ្យ និងយុត្តិធម៌សម្រាប់ពលរដ្ឋ តែជាជនដែលចាំជួយ ប្លន់អំណាចតែប៉ុណ្ណោះ ។ ទោះជាយ៉ាងណា ក្នុងលិខិតរបស់លោក គឹម សុខ នេះ ក៏បានប្រាប់ទៅរដ្ឋាភិបាលដែរថា ដើម្បីអោយស្ថានការណ៍ដូច សព្វថ្ងៃនេះអាចបញ្ឈប់ទៅបាននោះ រឿងល្អរដ្ឋាភិបាលត្រូវតែដោះលែងលោក កឹម សុខា និងអ្នកនយោបាយផ្សេងៗ ទៀត ហើយបើកផ្លូវចូលរួមប្រកួតប្រជែងការបោះឆ្នោតជ្រើសតាំងតំណាងរាស្រ្ត ដោយយុត្តិធម៌ និងមានតម្លាភាពពិត ប្រាកដ។ លោក គឹម សុខ ក៏ជឿជាក់ដែរថា រដ្ឋាភិបាលនៃគណបក្សប្រជាជនប្រាកដជានឹងឈ្នះគណបក្សសង្រ្គោះជាតិ និងលោក គឹម សុខា តាមរយៈការប្រើប្រាស់កម្លាំងបាយ ចាប់ខ្លួនលោកក កឹម សុខា ដាក់គុកបានមែន ប៉ុន្តែគេមិនអាចឈ្នះកម្លាំង ប្រជាធិបតេយ្យ រួបរួមគ្នារបស់ប្រជាពលរដ្ឋខ្មែរនោះទែ ៕