លោក សម រង្ស៊ី អញ្ជើញពលរដ្ឋខ្មែរនៅក្រៅប្រទេសចូលចូលរួមក្នុងកិច្ចប្រជុំ ដើម្បីរំលឹកកិច្ចព្រមព្រៀងទីក្រុងប៉ារីស

អតីតប្រធានគណបក្សសង្រ្គោះជាតិ លោក សម រង្ស៊ី បានប្រកាសអំពាវនាវទៅដល់ប្រជាពលរដ្ឋខ្មែរ ដែលរស់នៅក្រៅប្រទេស អោយអញ្ជើញចូលរួមនៅក្នុងកិច្ចប្រជុំមួយដើម្បីរំលឹកពីកិច្ចព្រមព្រៀងទីក្រុ ងប៉ារីស ។ លោកអោយដឹងបែបនេះ ៖ « សេចក្តីអញ្ជើញ ចូលរួមក្នុងកិច្ចប្រជុំ ដើម្បីរំលឹក ពី កិច្ចព្រមព្រៀងទីក្រុងប៉ារីស ស្តីពីកម្ពុជាសមាគម លើកតម្កើងលទ្ធិប្រជាធិបតេយ្យ នៅកម្ពុជា សូមអញ្ជើញបងប្អូនជនរួមជាតិខ្មែរទាំងអស់ ដែលរស់នៅប្រទេសបារាំង និងប្រទេសជិតខាង ព្រមទាំងមិត្តភក្តិគ្រប់សញ្ជាតិ ចូលរួមក្នុងកិច្ចប្រជុំមួយ ដើម្បីរំលឹក ពីកិច្ចព្រមព្រៀងទីក្រុងប៉ារីស ស្តីពីកម្ពុជា ដែលត្រូវបានចុះហត្ថលេខា ថ្ងៃ ២៣ តុលា ១៩៩១ » ។ នៅលើហ្វេសប៊ុករបស់លោក សម រង្ស៊ី នៅព្រឹកនេះ បានអោយដឹងទៀតថា កិច្ចប្រជុំនេះ នឹងផ្តោតលើការពិភាក្សា អំពីអនាគតប្រទេសកម្ពុជា ដោយមានការចូលរួម ពីអ្នកតំណាងរាស្ត្រមួយចំនួន។ នៅទីបញ្ចប់ នឹងមានសន្និសីទកាសែត។ បើតាម លោក សម រង្ស៊ី បញ្ជាក់ថា កាលបរិច្ឆេទ នឹងធ្វើឡើងនៅថ្ងៃច័ន្ទ ទី ២៣ ខែតុលា ឆ្នាំ ២០១៧ វេលាម៉ោង ១១ ព្រឹក ប្រព្រឹត្តនៅសាលាសង្កាត់ទី ១៣ នៃទីក្រុងប៉ារីស ៕