លោ​ក ​ខឹ​ម​ វា​ស​នា​ នឹ​ង​មិ​នឈ​រ​​ឈ្មោះ​ក្នុ​ងកា​រ​បោះ​ឆ្នោ​ត​ខាង​មុ​ខ​នទេ​ ​ព្រោះ​លោ​ក​ស​ម្រេ​ច​ចិ​ត្ត​រ​ស់​នៅ ​​ក្រៅ​ប្រ​ទេស​​​​​

ប្រធានគណបក្សសម្ព័ន្ធដើម្បីប្រជាធិបតេយ្យ(LDP)លោក ខឹម វាសនា បានប្រកាសជាសាធារណៈថា លោកប្រហែលជា អាចនឹងមិនឈរឈ្មោះជាតំណាងរាស្រ្តនៅក្នុងការបោះឆ្នោតថ្នាក់ជាតិខាងមុខ ទៀតនោះទេ ។ លោកបានបញ្ជាក់ថា សព្វថ្ងៃនេះ លោកកំពុងតែព្យាយាមរៀនភាសារអង់គ្លេសបន្ថែមទៀត ហើយក៏នឹងអាចទៅរស់នៅ ក្រៅប្រទេស ដើម្បីសរសេរសៀវភៅ ។ លោកបន្តថា ទោះបីជាលោកសម្រេចចិត្តមិនឈរឈ្មោះបន្តទៀតក្ដី ប៉ុន្តែលោក នឹងទុកគណបក្សនេះបន្តរហូត ដើម្បីអោយអ្នកជំនាន់ក្រោយធ្វើម្ដង ៖ « អាណត្តិក្រោយនឹងខ្ញុំប្រហែលមិនឈរទេបងប្អូន បងប្អូនក្មួយៗឈរចុះ » ។ ការថ្លែងលើកឡើងរបស់លោក ខឹម វាសនា បែបនេះ ធ្វើឡើងនៅក្នុងវេទិកាជួបជុំសមាជិកនិងអ្នកគាំទ្រគណបក្សសម្ព័ន្ធ ដើម្បីប្រជាធិបតេយ្យ នាទីក្រុងភូសាន ប្រទេសកូរ៉េខាងត្បូង កាលពីថ្ងៃទី៤ តុលាកន្លងទៅថ្មីៗនេះ។ បើតាមលោក ខឹម វាសនា លោកអះអាងថា កត្តាដែលលោកសម្រេចចិត្តថា នឹងមិនធ្វើតទៀត ដោយ សារតែលោក យល់ថា ប្រជាពលរដ្ឋខ្មែរបានស្គាល់គណបក្សសម្ព័ន្ធដើម្បីប្រជាធិបតេយ្យច្បាស់ហើយ ពោលគឺនៅតែការសម្រេចចិត្ត ជ្រើសរើសតែប៉ុណ្ណោះ ។ លោក ខឹម វាសនា ក៏ជឿជាក់ថា ការសម្រេចចិត្តធ្វើការងារតាមរយៈការសរសេរសៀវភៅ ការតស៊ូមតិនៅក្រៅប្រទេស នេះក៏ជារឿងសំខាន់ ។ លោកយល់ថា ប្រជាពលរដ្ឋខ្មែរចូលចិត្តអ្នកខ្លាំង ប្រសិនបើលោកធ្វើការពីក្រៅខ្លាំង នោះពល រដ្ឋខ្មែរក៏អាចនឹងត្រូវការលោកអោយត្រឡប់ចូលស្រុក វិញដូចគ្នា ៕