ថ្នាំញៀនប្រភេទខ្មោច Zombieវាយលុកនៅអាមេរិកនិងបានឆ្លងដែនមកទ្វីបអឺរ៉ុប

ក្រុងភ្នំពេញ៖ នៅក្នុងបណ្តាញសង្គមហេ្វសបុក ឬ ធ្វីធធឺ (Twitter) គេឃើញមានការចែករំលែកវីដេអូច្រើន អំពី ថ្នាំញៀនមួយប្រភេទដែលធ្វើឲ្យអ្នកដែលកំពុងញៀនប្រែក្លាយខ្លួន នឹង អាកប្បកិរិយាដូចជាខ្មោចឆៅ Zombie។ តាម គេហទំព័រ Rolling Stones ថ្នាំញៀននេះកំពុងជ្រៀតចូលទៅដល់ សហរដ្ឋអាមេរិក នៅរដ្ឋFlorida សហរដ្ឋអាមេរិក។ តើថ្នាំញៀននេះអាចធ្វើឲ្យមនុស្សក្លាយជាខ្មោចឆៅ Zombieមែនឬ? ថ្នាំញៀនប្រភេទនេះ គេឲ្យឈ្មោះថា Flakka។ អ្នកញៀនថ្នាំប្រភេទនេះ មានអាកប្បកិរិយា មិនដឹងខុសត្រូវ ចង់សម្លាប់មនុស្ស ស៊ីសាច់មនុស្សជាចំណី ឬ ប្រើប្រាស់អំពើហឹង្សា។ ថ្នាំញៀននេះ ត្រូវបានអ្នកវិទ្យាសាស្រ្ត ហៅថា Pyrrolidinopentiophenone ឬគេអាចហៅកាត់ថា a-PVP or alpha-PVP ដោយផលិតឡើងចេញពីអំបិលមួយប្រភេទដែលគេរកឃើញនៅទស្សវត្សឆ្នាំ ១៩៦០។ ថ្នាំញៀននេះ មានឥទ្ធិពលខ្លាំងណាស់ដែលធ្វើឲ្យអ្នកញៀនឡើងកម្តៅក្នុងខ្លួនដល់ទៅ ៤០ អង្សារធ្វើឲ្យប៉ះពាល់ដល់សរីរាង្គផ្នែកខួរក្បាល និង តម្រងនោម ។នេះបើយោងតាមអ្នកជំនាញ។ ថ្នាំញៀននេះនឹងធ្វើឲ្យមនុស្សសប្បាយខុសពីធម្មតា និង មានអារម្មណ៍ផ្លូវភេទខ្ពស់។ ទោះបីជាយ៉ាងណាក៍ដោយអាជ្ញាធរ រដ្ឋហ្លររីដា បានហាមឃាត់មិនឲ្យមានការប្រើប្រាស់ថ្នាំញៀននេះនោះឡើយ។ ថ្នាំញៀននេះអាចនឹងឆ្លងចូលមកទ្វីបអ៊ឺរ៉ុបឆាប់ៗនេះ៕ អត្ថបទដោយ៖ សេរីវឌ្ឍនៈ