អង្គការឃ្លាំមើលសិទ្ធិមនុស្សអន្ដរជាតិស្នើមេដឹកនាំអាស៊ានដែលចូលរួមកិច្ចប្រជុំAPECនៅវៀតណាម បង្ខំឲ្យ លោក ហ៊ុន សែន បញ្ឈប់ចេតនារំលាយបក្សសង្រ្គោះជាតិ

អង្គការឃ្លាំមើលសិទ្ធិមនុស្សអន្ដរជាតិ (Human Right Watch ) បានស្នើឲ្យមេដឹកនាំកំពូលអាស៊ានដែលបានអញ្ជើញទៅចូលរួមកិច្ចប្រជុំAPECនៅវៀតណាម បង្ខំអោយលោកនាយករដ្ឋមន្រ្តី ហ៊ុន សែន បញ្ឈប់ការប៉ន់ប៉ងរំលាយគណបកស្សប្រឆាំង និងធ្វើការពិភាក្សាអំពីបញ្ហាសិទ្ធិមនុស្សនៅកម្ពុជា ។ នេះបើយោងតាមសេចក្ដីសេចក្ដីថ្លែងការណ៍របស់អង្គការឃ្លាំមើលសិទ្ធិមនុស្សអន្តរជាតិ Human Right Watch ដែលធ្វើឡើងកាលពីថ្ងៃទី៩ វិច្ឆិកា កន្លងទៅថ្មីៗនេះ ។ អង្គការដដែលនេះបានអំពាវនាវ ទៅមេដឹកនាំអាស៊ានទាំងអស់ ដែលកំពុងចូលរួមកិច្ចប្រជុំស្ដីពី «វេទិកាកិច្ចសហប្រតិបត្តិការសេដ្ឋកិច្ចនៅតំបន់អាស៊ីប៉ាស៊ីហ្វិក និងអាស៊ាន​» នៅប្រទេសវៀតណាម ឲ្យដាក់គំនាបលើរដ្ឋាភិបាលកម្ពុជាអោយខ្លាំង អំឡុងពេលដែលលោកនាយករដ្ឋមន្រ្តី ហ៊ុន សែន និងរដ្ឋាភិបាលនៃគណបក្សប្រជាជនរបស់លោកកំពុងចូលរួមនៅក្នុងកិច្ចប្រជុំក្រៅផ្លូវការនេះដែរ ៕