គ្រាន់តែបុណ្យអ៊ុំទូកថ្ងៃទី១ចប់ភ្លាម សំរាមរាយពេញសួនច្បារ គដូចភ្នំ

ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ប្រព្រឹត្តិទៅនៅថ្ងៃទី០២ដល់ថ្ងៃទី០៤ ខែវិច្ឆិកា ឆ្នាំ២០១៧នេះ ហើយកាលពីម្សិលមិញគេសង្កេតឃើញបងប្អូនប្រជាពលរដ្ឋខ្មែរយើងជាច្រើនបាននាំគ្នាមកដើរកំសាន្តនៅតាមមាត់ទន្លេ និងកោះពេជ្រ ដើម្បីទស្សនាការប្រគុំតន្ត្រី និងដើរមើលការតាំងពិពណ៌លក់ទំនិញផ្សេងៗជាច្រើន។ បន្ទាប់ពីកម្មវិធីបុណ្យអ៊ុំទូកថ្ងៃទី១ បានបញ្ចប់ដោយរលូនសប្បាយរីករាយ គេនៅតែសង្កេតឃើញបញ្ហាសំរាមនៅតែបញ្ហាចំបង។ នៅតាមសួនច្បារ និងតាមកន្លែងនានាជាច្រើន គេឃើញមានសំរាមយ៉ាងច្រើនពាសវាលពាសកាល ដែលបងប្អូនប្រជាពលរដ្ឋមកដើរកំសាន្ត និងអ្នកលក់ដូរនៅទីនោះបានបោះចោលយ៉ាងឥតសណ្តាប់ធ្នាប់ បើទោះបីជារាជរដ្ឋាភិបាលបានខិតខំប្រឹងប្រែងផ្សព្វផ្សាយអប់រំ និងដាក់ធុងសំរាមជាច្រើនយ៉ាងណាក៏ដោយ។ ទោះបីជាសំរាមច្រើនយ៉ាងណាក៏ដោយ ក៏ក្រុមអនាម័យបានខិតខំប្រឹងប្រែងបោសសំអាត និងប្រមូលសំរាមទាំងនោះបោលចោលទាំងយប់ មិនបង្អន់យូរឡើយ ដើម្បីបរិស្ថានទីក្រុងរបស់យើង។ សង្ឃឹមថា បងប្អូនប្រជាពលរដ្ឋខ្មែរ ដែលបានមកកំសាន្តព្រះរាជពិធីបុណ្យអ៊ុំទូកទាំងអស់រួមគ្នាសំអាតទីក្រុង ដោយបោះចោលសំរាមនៅក្នុងធុងសម្រាម ដែលអាជ្ញាធរបានរៀបចំឲ្យ៕