ព្រះអង្គ ប៊ុត ប៊ុនតិញ ៖ មេត្តាកំរងចាំអ្នកនយោបាយទុច្ចរិតផ្ដល់យុត្តិធម៌ឱ្យយើងអី

ស្ថាបនិកបណ្ដាញព្រះសង្ឃឯករាជ្យដើម្បីយុត្តិធម៌សង្គម ព្រះអង្គ ប៊ុត ប៊ុនតិញ បានបិណ្ឌបាតអំពាវនាវដល់ប្រជាពលរដ្ឋខ្មែរ ធ្វើការរួបរួមគ្នា រួចស្វែងរកយុត្តិធម៌ជូនសង្គមជាតិ ។ ព្រះអង្គ ប៊ុត ប៊ុនតិញ បានមានព្រះថេរដីការបញ្ជាក់អោយដឹងថា យុត្តិធម៌គឺមិនងាយកើតឡើងនោះឡើយ ប្រសិនណាបើគ្មានការទាមទារ និងស្វែងរកពីប្រជាពលរដ្ឋខ្មែរដោយខ្លួនឯងទេនោះ ។ ព្រះអង្គយល់ថា យុត្តិធម៌សម្រាប់ប្រជាពលរដ្ឋខ្មែរ គឺឆ្ងាយដូចជើងមេឃ ដែលមិនងាយនឹងអាចរកបាន ដោយងាយៗនោះទេ ៖ « យុត្តិធម៌សំរាប់ជនរួមជាតិរបស់អាត្មាគឺនៅឆ្ងាយដូចជើងមេឃ ឆ្ងាយហៅមិនលឺ ដើរមិនដល់។សូមញាតិញោមជនរួមជាតិគ្រប់រូប នឹងគ្រប់មជ្ឈដ្ឋានមេត្តារួបរួមគ្នាដើរទៅរកកោះយុត្តិធម៌ នឹងសន្តិភាព » ។ ព្រះថេរដីការលើកឡើងរបស់ព្រះអង្គ ប៊ុត ប៊ុនតិញ យ៉ាងដូច្នេះ ធ្វើឡើងតាមរយៈទំព័រគណនីហ្វេស ប៊ុករបស់ព្រះអង្គដោយផ្ទាល់ កាលពីព្រឹកថ្ងៃទី៣ ខែវិច្ឆិកា ឆ្នាំ ២០១៧ នេះ ពោលគឺនៅខណៈដែល ព្រះអង្គកំពុងមានព្រះវត្តមានគង់នៅលើទឹកដីនៃសហរដ្ឋអាមេរិកនៅឡើយ ។ តាមរយៈសំណេរលើហ្វេសប៊ុកនេះ ព្រះអង្គបានបញ្ជាក់ដោយប្រយោល ហាក់មិនរំពឹងទៅលើអ្នក នយោបាយនោះឡើយ ។ ព្រះអង្គយល់ថា អ្នកនយោបាយមួយចំនួនបានប្រព្រឹត្តទង្វើមិនគប្បីបណ្ដា លអោយពលរដ្ឋបាត់បង់ជំនឿចិត្ត និងធ្វើអោយសង្គមជាតិកាន់តែមានបញ្ហាថែមទៀត។ ព្រះអង្គបានប្រាប់ទៅប្រជាពលរដ្ឋខ្មែរថា ត្រូវចេះស្វែងរកយុត្តិ ធម៌ដោយខ្លួនឯង ពោលគឺរំពឹងយុត្តិធម៌ពីអ្នកនយោបាយទុច្ចរិតអោយសោះ ៕