អគ្គលេខាធិការអង្គការសហប្រជាជាតិរំពឹងថា កម្ពុជានឹងគោរពលក្ខខណ្ឌទាំងឡាយដើម្បីធ្វើអោយការបោះឆ្នោតជាតិនាឆ្នាំ២០១៨ សេរី និងត្រឹមត្រូវ

អគ្គលេខាធិការនៃអង្គការសហប្រជាជាតិ ដែលបានជួបជាមួយនឹងលោកនាយករដ្ឋមន្រ្តី ហ៊ុន សែន នៅក្នុងជំនួបនៅឯទីក្រុងម៉ានីល ប្រទេសហ្វ៊ីលីពីន បានបង្ហាញក្ដីរំពឹងទុកថា កម្ពុជានឹងគោរពនៅលក្ខខណ្ឌទាំងឡាយដើម្បីធ្វើអោយការបោះឆ្នោតជាតិនាឆ្នាំ២០១៨ ទទួលបាននូវសេរី និងត្រឹមត្រូវ ។ នៅក្នុងជំនួបរវាង អគ្គលេខាធិការនៃអង្គការសហប្រជាជាតិ និងនាយករដ្ឋមន្រ្តីកម្ពុជាពួកគេក៏បានថ្លែងអំណរអរគុណដល់កម្ពុជាដែលបានចូលរួមថែរក្សាសន្តិភាពពិភពលោកជាមួយនឹងអង្គការសហប្រជាជាតិ ។ នេះបើយោងតាមការចុះផ្សាយដោយគេហទំព័ររបស់អង្គការសហប្រជាជាតិកាលពីថ្ងៃទី១៤ វិច្ឆិកា ម្សិលមិញនេះ ៕