រ៉ូហ្សេត ៖ ខ្ញុំស៊ូបាត់តំណែងក៏មិនក្បត់ឆន្ទៈរាស្ត្រដែរ

(ភ្នំពេញ)៖ បន្ទាប់ពីតុលាការកំពូលប្រកាសរំលាយគណបក្សសង្គ្រោះជាតិនៅថ្ងៃទី១៦​​ ខែវិច្ឆិកា ឆ្នាំ២០១៧ ល្ងាចម្សិលមិញដូចបានគ្រោងទុករបស់រដ្ឋាភិបាលោក ហ៊ុនសែនដែលធ្លាប់បានអះអាងម្តងហើយម្តងទៀតនោះ ស្រាប់តែថ្ងៃដដែលនោះលោក ហ៊ុនសែន ក៏បានប្រកាសសារជាថ្មីម្តងទៀតទៅល់សមាជិកក្រុមប្រឹក្សា ឃុំសង្កាត់ សមាជិកក្រុមប្រឹក្សាខេត្ត ស្រុក ខណ្ឌ នៅទូទាំងប្រទេសរបស់គណបក្សសង្គ្រោះជាតិឲ្យចូលរួមមកបម្រើបក្សកាន់អំណាចប្រសិនបើចង់រក្សានូវតួនាទី និង មុខតំណែងឲ្យស្ថិតនទៅដដែល។ លោក ហ៊ុន សែន បានថ្លែងយ៉ាងដូច្នេះថា «ខ្ញុំនៅតែបន្តអំពាវនាវដល់បងប្អូន ដែលជាសមាជិកក្រុមប្រឹក្សាឃុំសង្កាត់ សមាជិកក្រុមប្រឹក្សាខេត្ត ស្រុកខណ្ឌ [សមាជិកបក្សសង្គ្រោះជាតិ] នៅទូទាំងប្រទេស បងប្អូននៅមានពេលវេលានៅឡើយ​។ បន្ទាប់គណបក្សសង្គ្រោះជាតិត្រូវរលាយ រយៈពេល២សប្តាហ៍យ៉ាងយូរ នឹងត្រូវរៀបចំបែងចែកអសនៈឲ្យរួចរាល់ ដូច្នេះបងប្អូន មានឱកាសច្រើនជាង១មួយសប្តាហ៍បន្តិច នៅមុនពេលដែលគណបក្សនយោបាយនានា នឹងដាក់បញ្ជីឈ្មោះ ទៅកាន់គណៈកម្មាធិការជាតិរៀបចំការបោះឆ្នោត ដើម្បីជំនួសតំណែងរបស់បងប្អូន ដែលត្រូវបាត់បង់។ ប្រសិនបើបងប្អូនបន្ត ដើម្បីចង់ចូលរួមចំណែក ក្នុងការបន្តបេសកកម្ម ជាមេភូមិ ចៅសង្កាត់ ជាជំទប់ និងសមាជិកក្រុមប្រឹក្សា​ឃុំសង្កាត់ ឬសមាជិកក្រុមប្រឹក្សាស្រុកខេត្ត-រាជធានី យើងនៅបន្តទទួលស្វាគមន៍ ចំពោះបងប្អូន»។ លោក ហ៊ុន សែន បានបញ្ជាក់បន្ថែមថា «បងប្អូន [សមាជិកបក្សសង្គ្រោះជាតិ] មិនត្រូវមើលឃើញថា អ្វីដែលជាការសំណូមពររបស់ខ្ញុំនេះជាការទិញ ដូរនោះទេ យើងគ្មានប្រាក់កាសដើម្បីទិញដូរណាមួយនោះទេ យើងគ្រាប់តែចង់ផ្តល់ឱកាសឲ្យបងប្អូន ដើម្បីមានពេលវេលាមកធ្វើកិច្ច ដើម្បីបម្រើប្រជាជន តែប៉ុណ្ណោះ ឱកាសនេះកម្រណាស់»។ ការឆ្លើយតបភ្លាមៗពីចៅសង្កាត់អូរចារកញ្ញា ស៊ិន ពៅចាន់រ៉ូហ្សេត គឺកញ្ញាសុខចិត្តអត់តំណែង អត់តួនាទី មិនសុខចិត្តក្បត់ឆន្ទៈប្រជាពលរដ្ឋសង្កាត់អូរចាររបស់ខ្លួននោះឡើយ ៕