កម្ពុជាស្នើឲ្យកូរ៉េខាងត្បូងជួយបង្រៀនជំនាញបង្រ្កាបបាតុកម្ម​

វេបសាយរបស់អគ្គស្នងការដ្ឋាននគរបាលជាតិបានចុះផ្សាយថា បណ្ឌិត្យសភានគរបាល​កម្ពុជាបានស្នើឲ្យ អ្នកជំនាញមកពីកូរ៉េខាងត្បូងជួយបណ្តុះបណ្តាល​ជំនាញបង្ក្រាបបាតុកម្ម កុបកម្ម ភេរវកម្ម និងជំនាញបង្ក្រាបផ្សេងទៀត ដែលជាផ្នែកមួយនៃកិច្ចសហប្រតិបត្តិការរវាងប្រទេសទាំងពីរ។​ វេបសាយដដែលនេះអោយដឹងថា ការស្នេះ បាននើ​ធ្វើឡើង​នៅក្នុងពិធីចុះហត្ថលេខាលើអនុសារណៈនៃការយោគយល់គ្នារវាងបណ្ឌិត្យសភានគរបាលកម្ពុជា និង សាកលវិទ្យាល័យនគរបាលជាតិកូរ៉េខាងត្បូងនៅថ្ងៃចន្ទនេះ។​ នៅក្នុងពិធីនោះប្រធាន​បណ្ឌិត្យសភា​នគរបាល​ជាតិ​កម្ពុជាលោក សេង ផល្លី ​ស្នើ​សុំ​ភាគី​កូរ៉េ​ ជួយ​បណ្តុះបណ្តាល​គ្រួ​បង្គោល​នគរបាល​កម្ពុជា​លើ​ជំនាញ​ ​ប្រឆាំង​បទល្មើស​បច្ចេកវិទ្យា​ ជំនាញ​ប្រឆាំង​បាតុកម្ម​ កុបកម្ម​ ជំនាញ​ប្រឆាំង​ភេរវកម្ម​ ជំនាញ​ក្បាច់គុន​សម្រាប់​នគរបាល​ និង​ស្នើ​សុំ​ផ្តល់​អាហារូបករណ៍​ថ្នាក់​បរិញ្ញាបត្រ​វិទ្យាសាស្ត្រ​នគរបាល​ ដល់​និស្សិត​បណ្ឌិត្យសភា​នគរបាល​កម្ពុជា​សម្រាប់​គ្រូ​បន្ត​ វេន​ចំនួន​បួន​រូប​ក្នុង​មួយ​ឆ្នាំៗ​។ ទោះជាមិនបានបញ្ជាក់ពីការសន្យារច្បាស់ៗ ប៉ុន្តែបើតាមវេបសាយរបសអគ្គស្នងការដ្ឋាននគរបាលជាតិបញ្ជាក់ថា ភាគីកូរ៉េខាងត្បូងសន្យាថា នឹងពង្រឹងកិច្ចសហប្រតិបត្តិការជាមួយកម្ពុជាឲ្យបានកាន់តែប្រសើរឡើង។​​ ការស្នើឡើងរបស់ភាគីកម្ពុជា សុំកិច្ចសហការពីកូរ៉េខាងត្បូងនេះ គឺធ្វើឡើងនៅចំពេលដែលស្ថានការណ៍នយោបាយនៅក្នុងប្រទេសកម្ពុជាកំពុងជាប់ភាពតានតឹង ។ ជាពិសេសគឺការប្រកាសរបស់រដ្ឋា ភិបាល និងមន្រ្តីរដ្ឋាភិបាលរបស់លោក ពីបំណងនៃការគម្ទេចក្រុមអ្នកប្រឆាំងនឹងសកម្មភាពរដ្ឋាភិបាល ដែលចាប់ខ្លួនលោក កឹម សុខា ប្រធានគណបក្សសង្រ្គោះជាតិ និងការប្រកាសពីបំណងនៃ ការរំលាយគណបក្សសង្រ្គោះជាតិ ៕