លោក សម រង្ស៊ី អំពាវនាវអោយជប៉ុនដកជំនួយចេញពីកម្ពុជា

អតីតប្រធានគណបក្សសង្រ្គោះជាតិ លោក សម រង្ស៊ី បានអំពាវនាវទៅដល់រដ្ឋាភិបាលនៃប្រទេសជប៉ុនថា អោយដកជំនួយលើការរៀបចំការបោះឆ្នោតចេញពីកម្ពុជាវិញ ។ លោក សម រង្ស៊ី បានអំពាវនាវដល់រដ្ឋាភិបាលជប៉ុនថា បើសិនជារដ្ឋាភិបាលកម្ពុជានៅតែបន្តការយក ការរំលាយគណបក្សសង្រ្គោះជាតិនេះបន្តទៅទៀត ជប៉ុនមិនគួរណាបនុ្តជួយដល់រដ្ឋាភិបាលនៃប្រទេសកម្ពុជានោះទេ ពីព្រោះថា បើគ្មានវត្តមានរបស់គណបក្សសង្រ្គោះជាតិហើយ នោះការបោះឆ្នោតនៅកម្ពុជាគឺគ្មានន័យទៀតឡើយ «» ។ លោក សម រង្ស៊ី ថ្លែងអោយដឹងយ៉ាងដូច្នេះ ធ្វើឡើងនៅយប់ថ្ងៃទី១៦ ខែវិច្ឆិកា ឆ្នាំ ២០១៧ នេះ តាមរយៈបទសម្ភាសន៍ជាមួយនឹងវិទ្យុអាស៊ីសេរី ពោលគឺបន្ទាប់ពីកម្ពុជាតាមរយៈតុលាការជាន់ខ្ពស់បានសម្រេចប្រកាសរំលាយគណបក្សសង្រ្គោះជាតិជាស្ថាព័រ និងបានបិទសិទ្ធិតំណាងរាស្រ្តមកពីគណបក្សសង្រ្គោះជាតិចំនួន១១៨រូប ដែលសុទ្ធសឹងតែជាសមាជិកគណៈកម្មាធិការនាយកនៃគណបក្សនេះ លែងអោយធ្វើនយោបាយចំនួន៥ឆ្នាំ ។ ទោះជាយ៉ាងណាក៏ដោយ លោក សម រង្ស៊ី ដែលកំពុងនិរទេសខ្លួនរស់នៅក្រៅប្រទេសនៅតែប្រកា សអំពាវនាវដល់សមាជិករបស់គណបក្សសង្រ្គោះជាតិថា អោយរក្សាគោលជំហរដដែល ពោលគឺកុំ ចាញ់បោករដ្ឋាភិបាលបក្សប្រជាជន ។ លោក សម រង្ស៊ី ក៏ជឿជាក់ដែរថា លោកនាយករដ្ឋមន្រ្តី ហ៊ុន សែន នឹងថយជំហ៊ានឡើងវិញនៅពេលក្រោយ ៕