ចៅសង្កាត់អូរចារ កញ្ញា រ៉ូហ្សេត ថា៖ ថ្ងៃនេះថ្ងៃស្អែកខ្ញុំនៅតែទៅសាលាសង្កាត់

កញ្ញា រ៉ូហ្សេត មិនតក់ស្លុត មិនភ័យព្រួយ មិនបារម្មណ៍រឿងមុខតំណែង តួនាទី ឬស្តាយស្រោះបុណ្យស័ក្តរបស់ខ្លួននោះទេ ដោយកញ្ញា បានប្រកាសជាចំហរ បើទោះជាគណបក្សសង្គ្រោះជាតិត្រូវបានរំលាយដោយតុលាការកំពូលនៅថ្ងៃនេះក៏ដោយ ក៏ចៅសង្កាត់អូរចាររូបនេះ នៅតែទៅធ្វើការនៅសលាសង្កាត់របស់ខ្លួនដដែល ដរាបណាអ្នកថ្មីមិនទាន់បានប្រកាសមកជំនួសតំណែងរបស់ខ្លួន។ កញ្ញា រ៉ូហ្សេត៖ ទោះល្ងាចនេះតុលាការកំពូលបានចេញសាលក្រមប្រកាសរំលាយគណបក្សសង្គ្រោះជាតិក៏ដោយ ក៏ខ្ញុំនៅតែទៅធ្វើការបំរើសេវាជូនប្រជាពលរដ្ឋនៅក្នុងសង្កាត់អូរចាររបស់ខ្ញុំរហូតដល់មានករណីពីរដូចខាងក្រោម៖ ទី១- មានសេចក្តីប្រកាសទទួលស្គាល់អ្នកថ្មីមកជំនួសដំណែងរបស់ខ្ញុំ។ ទី២-មានក្រុមសមត្ថកិច្ចឬអាជ្ញាធរដេញមិនឲ្យខ្ញុំចូលសាលាសង្កាត់អូរចារតែម្តង។ មានតែករណីទាំងពីរខាងលើនេះទេដែលខ្ញុំត្រូវឈប់ទៅចូលសាលាសង្កាត់អូរចារបន្តទៀត គឺនៅរងចាំសភាពការណ៍នយោបាយវិវឌ្ឍន៍ ធម្មតាវិញ ឬក៏ខ្ញុំឆ្លៀតពេលខ្លះៗទំនេរពីការងារ ចំពោះកិច្ចនៅសាលាសង្កាត់ ខ្ញុំនិងចុះធ្វើកិច្ចការ សង្គមជាមួយពលរដ្ឋអូរចារដូចមុន ដោយមិន ពាក់ព័ន្ធរឿងនយោបាយ។