កុំខ្លាំង !!! អាមេរិកសម្រេចផ្ដាច់ជំនួយកម្ពុជាលើការរំដោះមីន

សហរដ្ឋអាមេរិកបានសម្រេចចិត្តធ្វើការកាត់ផ្ដាច់ជំនួយកម្ពុជាលើការរំដោះមីន ទៅឱ្យមជ្ឈមណ្ឌលសកម្មភាពកម្ចាត់មីនកម្ពុជា(CMAC) ។ ប៉ុន្តែសហរដ្ឋអាមេរិកតាមរយៈស្ថានទូតដែលមានប្រចាំនៅទីក្រុងភ្នំពេញនៃប្រទេសកម្ពុជាអោយដឹងថា នឹងផ្តល់ទៅឱ្យក្រុមអ្នកដោះមីនក្នុងស្រុកដោយផ្អែកលើការដេញថ្លៃមានលក្ខណៈជាការប្រកួតប្រជែងវិញ។ បើតាមមន្រ្តីរបស់ក្រសួងការបរទេសកម្ពុជាបានបញ្ជាក់ប្រាប់អ្នកសារព័ត៌មានអោយដឹងថា សម្រាប់ឆ្នាំ២០១៨សហរដ្ឋអាមេរិកបន្តជួយដល់ប្រតិបត្តិការដោះមីននៅប្រទេសកម្ពុជាដោយផ្តោតលើការដោះមីននៅភាគខាងកើតប្រទេសដោយប្រើប្រាស់កម្មវិធីដោះមីនលំដាប់ពិភពលោកដែលផ្តោតលើគោលដៅគ្រាប់មីនណាដែលផលិតដោយសហរដ្ឋអាមេរិកប៉ុណ្ណោះ ដោយសារតែអ្នកជំនាញបានស្នើឡើងថា ការដោះមីនដោយវិធីសាស្រ្តនេះនឹងមានប្រសិទ្ធភាព។ បើតាមលោក ហេង រតនា អគ្គនាយកមជ្ឈមណ្ឌលកម្ចាត់មីនកម្ពុជា (ស៉ីម៉ាក់) ធ្លាប់បានអោយដឹងកាលពីកន្លងមកថា សហរដ្ឋអាមេរិកតាមរយៈអង្គការជាដៃគូរបានឧបត្ថម្ភថវិកាជាង ២លានដុល្លារជារៀងរាល់ឆ្នាំដល់ប្រតិបត្តិការការងាររបស់ CMAC។ ការសម្រេចចិត្តធ្វើការកាត់ផ្ដាច់ជំនួយមកកម្ពុជា លើសកម្មភាពនៃការងារមនុស្សធម៌សម្រាប់ការដោះ មីននេះ ធ្វើឡើងចំពេលដែលស្ថានការណ៍នយោបាយនៅកម្ពុជាកំពុងមានភាពតានតឹង ។ លើសពីនេះទៀត គឺក្រោយពេលដែលរដ្ឋាភិបាលកម្ពុជាព្យាយាមជីកកកាយពីករណីដែលមានសេសសល់គ្រាប់បែកនៅក្នុងខេត្តស្វាយរៀង ដែលកម្ពុជាអះអាងថា ជាគ្រប់បែកគីមី បណ្ដាលអោយប៉ះពាល់សុខភាពរបស់ពលរដ្ឋ ប៉ុន្តែសហរដ្ឋអាមេរិកអះអាងថា ជាគ្រាប់បែកគីមីបង្ហូរទឹកភ្នែកប៉ុណ្ណោះ ។ ប៉ុន្តែយ៉ាងណាក៏ដោយ បើទោះបីជាសហរដ្ឋអាមេរិកតាមរយៈស្ថានទូតមាននៅកម្ពុជាប្រកាសឈប់ផ្ដល់ជំនួយដល់អង្គការខ្មែរមួយនេះ ដើម្បីរំដោះមីនមែន ប៉ុន្តែពួកគេអះអាងថា នឹងនៅតែប្ដេជ្ញាចិត្តរួមគ្នា យ៉ាងខ្លាំងជាមួយនឹងប្រជាពលរដ្ឋកម្ពុជាក្នុងការគាំទ្រគោលដៅចង់ឱ្យប្រទេសកម្ពុជាគ្មានការប៉ះពាល់ដោយគ្រាប់មីននៅឆ្នាំ២០២៥ និងគោលដៅរួមក្នុងការបោសសម្អាតគ្រាប់មីននិងយុទ្ធភណ្ឌមិនទាន់ផ្ទុះរបស់សហរដ្ឋអាមេរិក‍ ៕