លោកស្រី មួរ សុខហួរ ចង់អោយរដ្ឋាភិបាលកម្ពុជាក្រឡេកមើលប្រវត្តិសាស្រ្តនៃការតស៊ូរបស់មហាត្មគន្ធី ដែលជួយឥណ្ឌាពីនឹមត្រួតត្រារបស់ចក្រភពអង់គ្លេស

November 03, 2017

តំណាងរាស្រ្តមកពីគណបក្សសង្រ្គោះជាតិ និងមានតំណែងជាអនុប្រធានគណបក្សផងនោះ លោកស្រី មួរ សុខហួរ បានថ្លែងប្រតិកម្មជាមួយនឹងរដ្ឋាភិបាលកម្ពុជា ករណីចោទប្រកាន់អ្នកតស៊ូដោយអ ហិង្សាថា ជាការធ្វើបដិវត្តន៍ពណ៌ ។ លោកស្រី មួរ សុខហួរ បានស្នើសុំទៅរដ្ឋាភិបាល និងមន្រ្តីរដ្ឋាភិបាលទាំងនោះ ពិនិត្យមើលពីការ តស៊ូដោយអហិង្សារបស់វីរៈជនពិភពលោក ដែលបានរំដោះប្រទេសរបស់ពួកគេចេញពីនឹមត្រួតត្រារប ស់បរទេស ។ លោកស្រីបានប្រាប់រដ្ឋាភិបាលថា ជាពិសេសអោយមើលទៅប្រវត្តិសាស្រ្តនៃការតស៊ូ របស់មហាត្មគន្ធី ដែលអាចជួយរំដោះប្រទេសឥណ្ឌាចេញពីនឹមត្រួតត្រារបស់ប្រទេសអង់គ្លេស ។ លោកស្រី មួរ សុខហួរ ថ្លែងបញ្ជាក់បែបនេះ ៖ « បើសិនជាថា ការតស៊ូមតិទាំងឡាយសុទ្ធតែជាការ មានបដិវត្តន៍នោះ ចុះយើងគិតមើល ដូចជានៅប្រទេសឥណ្ឌា ដែលលោក មហាត្មគន្ធី លោកធ្វើអោ យប្រជាពលរដ្ឋរបស់លោកធ្វើអោយប្រជាពលរដ្ឋរបស់លោក អោយជាតិរបស់លោក មានឯករាជ្យពី អង់គ្លេស ដោយអហិង្សារ » ។ ការថ្លែងលើកឡើងរបស់លោកស្រី មួរ សុខហួរ បែបនេះ ធ្វើឡើងតាមរយៈវីដេអូឃ្លីប ដែលមានរយៈពេលជិត៣នាទី បង្ហោះចូលទៅក្នុងបណ្ដាញសង្គមហ្វេសប៊ុករបស់លោកស្រីដោយផ្ទាល់ កាលពី ព្រឹកថ្ងៃទី៣ ខែវិច្ឆិកា ឆ្នាំ ២០១៧ នេះ នៅខណៈដែលលោកស្រីកំពុងមានវត្តមាននៅក្រៅប្រទេស នៅឡើយ ។ ការថ្លែងលើកឡើងនេះ ក្រោយពេលដែលមន្រ្តីរដ្ឋាភិបាលកម្ពុជា បានប្រកាសពីបំណងរបស់ពួកគេ ក្នុងការកម្ចាត់អ្នកចង់តស៊ូដោយអហិង្សារ ដូចជាការធ្វើបាតុកម្មប្រឆាំងនឹងរដ្ឋាភិបាលករណីចាប់ខ្លួន លោក កឹម សុខា និងការប៉ន់ប៉ងរំលាយគណបក្សសង្រ្គោះជាតិជាដើម ។ រដ្ឋមន្រ្តីការពារជាតិលោក ទា បាញ់ បានព្រមានជារឿយ មានទាំងការព្រមានវាយពលរដ្ឋរបស់ខ្លួនបំបាក់ធ្មេញ និងការអំពាវនាវអោយកងកងកម្លាំងប្រដាប់អាវុធត្រៀមខ្លួនកម្ចាត់អ្នកចង់ធ្វើបដិវត្តន៍ពណ៌ថែមទៀងផង ។ លោក ទា បាញ់ ធ្លាប់បានប្រកាសជាសាធារណៈកាលពីប៉ុន្មានថ្ងៃមុននេះ អោយកងកម្លាំងកម្ចាត់ក្រុមណា ដែលចង់ប្រឆាំងនឹងរដ្ឋាភិបាលចំពោះចំណាត់ការទៅលើគណបក្សសង្រ្គោះជាតិ និងថ្នាក់ដឹកនាំនៃគណបក្សនយោបាយមួយនេះ ដោយចោទថា នេះគឺជាបដិវត្តន៍ព៌ដែល មិនត្រូវអនុញ្ញាតអោយកើតមានឡើងនៅកម្ពុជាជាដាច់ខាត ។ អនុប្រធានគណបក្សសង្រ្គោះជាតិលោកស្រី មួរ សុខហួរ តាមរយៈវីដេអូឃ្លីប បានបញ្ជាក់ថា នេះគឺជាទង្វើអាក្រក់បំផុតដែលរដ្ឋាភិបាលកម្ពុជាកំពុងតែចង់ធ្វើការគៀបសង្កត់ប្រជាពលរដ្ឋខ្មែរខ្លួនឯង ។ លោកស្រីបានបញ្ជាក់ថា ការតស៊ូដោយអហិង្សារ ដោយសន្តិវិធី មិនមែនដូចអ្វីដែលរដ្ឋាភិបាលកំពុងចោទប្រកាន់នោះទេ ៕