លោក ម៉ែន ណាត ស្នើឲ្យមន្ត្រីធំៗក្នុងគណបក្សសង្គ្រោះជាតិ រកទីតាំងដើម្បីដោះស្រាយវិបត្តិផ្ទៃក្នុងរបស់ខ្លួន

ដោយមើលឃើញពីភាចចម្រូងចម្រាស់នៃស្ថានភាពដែលកំពុងតែវិវឌ្ឍទៅរកភាពប្រេះឆាផ្ទៃក្នុងរបស់គណបក្សសង្គ្រោះជាតិដែលមាក្រុម ឳកាសនិយមប្រើវិធីសាស្ត្រគ្រប់បែបយ៉ាងធ្វើយ៉ាងណាឲ្យផ្ទៃក្នុងគណបក្សសង្គ្រោះជាតិដែលជាគណបក្សប្រឆាំងដ៏ធំមួយនេះបែកបាក់គ្នា គណនេយ្យដែលជាឆ្អឹងទទឹងករបស់រដ្ឋាភិបាលកម្ពុជាលោក ហ៊ុនសែន គឺ លោក ម៉ែន ណាត បានចេញសារសម្របសម្រួលមួយទៅកាន់ថ្នាក់ដឹកនាំគណបក្ស សង្គ្រោះជាតិទាំងមូល ឲ្យស្វែងរកទីតាំងនៅក្រៅប្រទេសណាមួយដើម្បីជំនួបប្រជុំគ្នាដោះស្រាយបញ្ហាវិបត្តិផ្ទៃក្នុងឲ្យបានឆាប់ៗ ជាជាង អង្គុយវាយប្រហារគ្នាទៅវិញទៅមកតាមរលកធាតុអាកាស។ លោក ម៉ែន​ណាត បានសង្កត់ធ្ងន់ថា បើមន្ត្រីក្នុងជួរគណបក្សសង្គ្រោះជាតិមិនព្យាយាមរកដំណោះស្រាយទេ វាជាភាពអាម៉ាស់ដ៏ធំបំផុត ដែលធ្វើឲ្យមន្ត្រីថ្នាក់ក្រោមរបស់ខ្លួន ដែលពួកគេខំប្តេជ្ញាតាំងចិត្តកាពារគណបក្សរបស់ពួកគេ នឹងអស់នូវក្តីសង្ឃឹម។ សាររបស់លោក មែ៉ន ណាត ៖ ថ្នាក់ដឹកនាំសំខាន់ៗ_របស់គណបក្សប្រឆាំង គួរតែត្រូវចាប់ផ្តើមរកកន្លែងណាមួយ ឬប្រទេសណាមួយ ដើម្បីជួបប្រជុំគ្នា ដោះស្រាយបញ្ហាផ្ទៃក្នុងឲ្យឆាប់ៗទៅ រកសេចក្តីសម្រេចត្រឹមត្រូវណាមួយ ជៀសវាងអង្គុយវាយប្រហារគ្នា នៅលើរលកធាតុអាកាស ឬបណ្តាញសង្គម។ បើមិនដូច្នេះទេ វាជាភាពអាមាសធំបំផុត ធ្វើឲ្យមន្រ្តីថ្នាក់ក្រោម ដែលខំប្តេជ្ញាចិត្ត ការពារគណបក្សរបស់ខ្លួន ហើយនិងអ្នកគាំទ្រ បាក់ទឹកចិត្ត និងអស់សង្ឃឹម ជាដើម។ល។ អ្នកទាំងអស់គ្នា ត្រូវជួបប្រជុំជាបន្ទាន់ ហើយត្រូវមានវត្តមានរបស់លោក សម រង្ស៊ី ជាចាំបាច់ ក្នុងនាមលោក ជាអតីតមេដឹកនាំផង និងជាអ្នកបញ្ចេញព័ត៌មាន អំពីលោក ម៉ៅ មុន្នីវណ្ណ ថាពាក់ព័ន្ធនឹងសេណារីយ៉ូរបស់ ហ៊ុន សែន។ មានតែមធ្យោបាយនេះទេ ទើបក្រុមមេដឹកនាំបក្សប្រឆាំង អាចវិលមកពង្រឹងគណបក្សរបស់ខ្លួនឡើងវិញ កសាងទំនុកចិត្តឡើងវិញ និង ជាការលើកទឹកចិត្តដល់មន្រ្តីឃុំសង្កាត់របស់ខ្លួន ព្រមទាំងអ្នកគាំទ្រផង។ សង្ឃឹងថា អស់លោក លោកស្រីថ្នាក់ដឹកនាំ អាចធ្វើការពិចារណាយោបល់ខាងលើតាមសម្រួល៕