លោក សម រង្ស៊ី បង្គាប់អោយអ្នកគាំទ្រហៅលោក ហ៊ុន សែន ថា «វា» អស់ល័ក្ខហើយ

អតីតប្រធានគណបក្សសង្រ្គោះជាតិ លោក សម រង្ស៊ី បានបន្តធ្វើការវាយប្រហារទៅលើលោកនាយករដ្ឋមន្រ្តី ហ៊ុន សែន យ៉ាងចាស់ដៃបន្តទៀតជាមួយនឹងអ្នកគាំទ្ររបស់លោកស្ថិតនៅលើទឹកដី នៃសហរដ្ឋអាមេរិក ។ នៅក្នុងសន្ទរកថារបស់លោក សម រង្ស៊ី ប្រមាណជាជិត១ម៉ោង នៅក្នុងសិក្ខាសាលាស្ដីពីសិទ្ធិមនុស្ស និងប្រជាធិបតេយ្យនៅកម្ពុជារៀបចំឡើងដោយមូលនិធិខ្មែរសាមគ្គី នៅទីក្រុងឡងប៊ិច កាលពីថ្ងៃម្សិលមិញនេះ លោក សម រង្ស៊ី បានប្រាប់ទៅអ្នកគាំទ្ររបស់លោកថា អំណាចរបស់រដ្ឋាភិបាលនៃគ ណបក្សប្រជាជនកម្ពុជានឹងបាត់បង់ក្នុងពេលឆាប់ៗ ដោយសារទង្វើប្រព្រឹត្តខ្លួនឯងហួសហេតុពេក ៖ « តែអ្វីដែលខ្ញុំសន្និដ្ឋាន គឺថា ហ៊ុន សែន ចប់ហើយ។ ខ្ញុំមើលបទពិសោធន៍ពីប្រទេសផ្សេងៗដែលគេ ផ្លាស់ប្ដូរមេដឹកនាំផ្ដាច់ការដែលនៅក្រាញអំណាច » ។ នៅក្នុងសន្ទរកថានេះ អ្នកគាំទ្ររបស់លោកបានស្រែងខ្លាំងៗនៅក្នុងសិក្ខាសាលាថា លោក ហ៊ុន សែន អស់ល័ក្ខហើយ ។ ប៉ុន្តែភ្លាមៗនោះ លោក សម រង្ស៊ី ក៏បានប្រាប់ទៅពលរដ្ឋខ្មែរអាមេរិកទាំង នោះថា បើសិនជាបន្តហៅឈ្មោះបែបនេះ មិនសូវល្អទេ ហើយក៏មិនសូវជាមានប្រសិទ្ធភាពខ្ពស់ប៉ុន្មានដែរ ប៉ុន្តែគួរប្រើពាក្យថា «វា»ជំនួសវិញទើបជាការល្អប្រសើរ ៖ « ហ៊ុន សែន អស់ល័ក្ខហើយ ។ មិនបាច់ហៅឈ្មោះទេ ហៅឈ្មោះនឹងអត់សូវមានប្រសិទ្ធភាពទេ ថា វាអស់ល័ក្ខហើយ » ។ នេះមិនមែនជារឿងថ្មីឡើយសម្រាប់ការវាយប្រហាររបស់អតីតគូរបដិបក្ខកំពូលរបស់លោកនាយករដ្ឋមន្រ្តី ហ៊ុន សែន ចាប់តាំងពីលោកបានចេញទៅរស់នៅក្រៅប្រទេសទាំងដែរមិនអាចត្រឡប់ចូលស្រុ កខ្មែរវិញបាន ដោយសារតែដីការចាប់ខ្លួនរបស់តុលាការដែលប្ដឹងដោយមន្រ្តីរដ្ឋាភិបាលច្រើនខ្លាំងពេក ។ ក្រៅតែពីការថ្លែងនិយាយដៀមដាម វាយប្រហារលោកនាយករដ្ឋមន្រ្តី ហ៊ុន សែន យ៉ាងពេញៗមាត់យ៉ាងដូច្នោះ អតីតប្រធានគណបក្សសង្រ្គោះជាតិថែមទាំងបានហៅលោក ហ៊ុន សែន ថា ជាមនុស្សកំពុងឡប់ ដោយសារតែវីវកនឹងបញ្ហា ជាពិសេសរងការស្ដីថា ពីអន្តរជាតិ និងពលរដ្ឋរបស់ខ្លួនឯងខ្លាំងពេក ៕