ធ្លាយរឿងអាស្រូវមេឃុុំអណ្តូងត្របែកគណបក្សកាន់អំណាច ដើរបញ្ចុះបញ្ចូលមន្ត្រីCNRP ឲ្យមកបម្រើបក្សខ្លួន​​បើចង់រក្សាតំណែងមុនពេលរលាយ

បែករឿងកាន់តែធំនិងបង្ហាញកាន់តែច្បាស់ពីគំនិតនិងទង្វើអាក្រក់របស់មន្ត្រីក្នុងជួរគណបក្សកាន់អំណាចដែលយកអំណាចទឹកលុយ អំណាចតំណែងទៅបញ្ចុះបញ្ចូលអូសទាញមន្ត្រីក្នុងជួរគណបក្សប្រឆាំងឲ្យចុះចូលជាមួយនឹងខ្លួនក្នុងទិសដៅដើម្បីបំភ្លៃនិងលាភពណ៌​ជា សធារណៈបរិហាកេរ្តិ៍ទៅលើគណបក្សសង្គ្រោះជាតិអំពីការចាកចេញរបស់មន្ត្រីខិលខូចរបស់បក្សកាន់អំណាចពីទង្វើអូសទាញរបស់ខ្លួន។ ការអូសទាញមន្ត្រីក្នុងជួរគណបក្សប្រឆាំងគឺធ្វើឡើងគ្រប់រូបភាពតាមឋានានុក្រម មានន័យថាអូសទាញមន្ត្រីធំៗគឺគេធ្វើតាមរបៀបអ្នកធំ អូសមន្ត្រីថា្នាក់មូលដ្ឋាន គឺគេធ្វើតាមរូបភាពដោយឡែកផ្សេងទៀត ដូចជា ចេញសារគំរាមកំហែង បំបាក់ស្មារតី តាមរយៈការរំលាយបក្ស និងការបាត់បង់តំណែង។ ជាក់ស្តែងនៅថ្ងៃទី២ ខែវិច្ឆិកា ឆ្នាំ២០១៧ ជំទប់ទី២ ឃុំអណ្តូងត្របែក ស្រុករមាសហែក ខេត្តព្រៃវែង មកពីគណបក្សសង្គ្រោះជាតិ លោក អ៊ឹម ហ៊ន់ បានទំលាយរឿងអាស្រូងមេឃុំអណ្តូងត្របែកដែលបានមកបញ្ចុះបញ្ចូលឲ្យរូបគាត់ប្រកាសចូលរួមជីវិតនយោបាយជាមួយគណបក្សកាន់អំណាច ដោយមេឃុំរូបនោះបាននិយាថា ប្រសិនបើចង់បាននូវតំណែងគង់វង់ ឬចង់រក្សាតំណែងឲ្យនៅដដែលបន្ទាប់ពីគណបក្សសង្គ្រោះជាតិត្រូវបានរំលាយ។ លោក អ៊ឹម ហ៊ន់ បានតបទៅមេឃុំរូបនោះថាប្រសិនបើសង្គ្រោះជាតិត្រូវបានរំលាយនៅថ្ងៃទី១៦ ខែវិច្ឆិកា​ ឆ្នាំ២០១៧ មែន លោកនឹងវិល ទៅធ្វើស្រែចំការជាមួយក្រុមគ្រួសាររបស់លោកវិញ។ ដោយលោក បញ្ជាក់ថា លោក​មិនស្អាប់គណបក្សប្រជាជនកម្ពុជាទេ តែលោកជាបេក្ខភាពគណបក្សសង្គ្រោះជាតិ និងជាប់ឆ្នោតដោយ ប្រជាពលរដ្ឋដែលគាំទ្រគណបក្សសង្គ្រោះជាតិ ដូច្នេះរូបលោកមិនក្បត់នឹងឆន្ទៈប្រជាពលរដ្ឋឡើយ៕