លោក​ គង់ សុភា ព្រមានថា៖ បើតុលាការកំពូលរំលាយCNRP​ រដ្ឋសភាក៏ត្រូវរលាយដូចគ្នា គ្រប់ស្ថាប័នទាំងអស់គឺសុទ្ធតែខុច្បាប់

ព្រឹកថ្ងៃទី៥​ ខែតុលា ឆ្នាំ២០១៧ លោក គង់ សុភា តំណាងរាស្ត្រគណបក្សសង្គ្រោះជាតិបានថ្លែងព្រមាននៅក្នុងគណនេយ្យរបស់លោក ទៅកាន់តុលាការ ក៏ដូចជារដ្ឋាភិបាលដែលមានលោក ហ៊ុនសែន ជាមេដឹកនាំថា ប្រសិនបើរំលាយគណបក្សសង្គ្រោះជាតិមានន័យថា រដ្ឋសភា ក៏ដូចជារដ្ឋាភិបាលទាំងមូលក៏ត្រូវរលាយទៅតាមនោះដែរ ហើយគ្រប់ក្រសួងស្ថាប័នទាំងអស់នឹងសុទ្ធតែជាស្ថាប័នខុសច្បាប់ទាំងស្រុង។ ការថ្លែងប្រតិកម្មបែបនេះ បន្ទាប់ពីរដ្ឋាភិបាលោក ហ៊ុនសែន កាលពីម្សិលមិញបានចេញសារជាវីដេអូខ្លីបខ្លីគំរាមសាជាថ្មីម្តងទៀតដោយ ប្រកាសថាខ្លួននឹងយកជីវិតមកដាក់ប្រសិនបើគណបក្សសង្គ្រោះជាតិមិនរលាយនោះ ហើយតំណែងមន្ត្រីក្នុងបក្សទាំងមូលនឹងត្រូវបាត់បង់។ លោក គង់ សុភា ថា៖ ប្រជាពលរដ្ឋទូទាំងប្រទេសត្រូវដឹងថានៅថ្ងៃទី១៦ ខែវិច្ឆិការ ខាងមុខនេះបើតុលាការកំពូលកាត់ក្តីរំលាយគណបក្សសង្គ្រោះជាតិ មានន័យថា តុលាការកំពូលនឹងរំលាយរដ្ឋសភា បើរំលាយរដ្ឋសភាហើយរដ្ឋាភិបាលក៏រលាយដែរ ដូច្នេះចាប់ពីថ្ងៃប្រកាសរំលាយសង្គ្រោះជាតិ គឺស្ថាប័ននៅក្នុងប្រទេសនឹងមិនស្របច្បាប់ទាំងអស់ ។