Global Witness ចាត់ទុកការរំលាយបក្សសង្រ្គោះជាតិថា ជាសោកនាដកម្មដ៏ធ្ងន់ធ្ងរចំពោះប្រទេសដែលជួយកសាងកម្ពុជាឡើងវិញ

អង្គការអន្តរជាតិ ( Global Witness ) បានហៅការរំលាយគណបក្សសង្រ្គោះជាតិនៅថ្ងៃព្រហស្បតិ៍នេះថា ជាការបំផ្លាញប្រជាធិបតេយ្យនៅកម្ពុជាពីសំណាក់រដ្ឋាភិបាលរបស់លោកនាយករដ្ឋមន្រ្តី ហ៊ុន សែន ។ នៅក្នុងសេចក្ដីថ្លែងការណ៍ ដែលធ្វើឡើងដោយអង្គការ ក្លបល វីតនីស នៅយប់ថ្ងៃទី១៦ ខែវិច្ឆិកា នេះ ពួកគេបានចាត់ទុកការរំលាយគណបក្សសង្រ្គោះជាតិដោយតុលាការកំពូលថា គឺជាសោកនាដ កម្មមួយយ៉ាងធ្ងន់ធ្ងរសម្រាប់ប្រជាពលរដ្ឋកម្ពុជា និងគណបក្សសង្រ្គោះជាតិទាំងមូល ។ លើសពីនេះ ទៀតសេចក្ដីថ្លែងការណ៍នេះ ក៏ចាត់ទុកថា នេះគឺជាសោកនាដកម្មមួយដែលកំពុងកើតមានឡើងចំ ពោះបណ្ដាប្រទេសជាច្រើនដែលបានជួយកសាងកម្ពុជាអស់រយៈពេលជាច្រើនទស្សវត្តន៍កន្លងមក នេះ ។ តាមរយៈសេចក្ដីថ្លែងការណ៍ដដែលនេះ អង្គការខ្លបល វីតនីស ក៏បានចាត់ទុកថា នេះគឺជាការវិវត្តកាន់តែខ្លាំងសម្រាប់រដ្ឋាភិបាលកម្ពុជាក្នុងការឈានទៅរករបបដឹកនាំដោយផ្ដាច់ការ ។ សេចក្ដីថ្លែងការណ៍នេះចាត់ទុកថា ការជួយជំនួយរបស់បណ្ដាប្រទេសជាច្រើនមកលើកម្ពុជាអស់រាប់លានដុល្លារ ក្នុងបំណងដើម្បីអោយការពារសិទ្ធិមនុស្ស និងដើម្បីបង្កើនប្រជាធិបតេយ្យនោះ គឺលែងមានន័យ ហើយថា នេះគឺជាការបំផ្លាញទំនុកចិត្តរបស់បណ្ដាប្រទេសទាំងនោះ ៕